كلمات اغنية حبس الانفاس نزار ابو ظاهر

حبس الانفاس كلمات

اهداء الى امير ابو سمحان ابو العبد

أول بادينا نبدا بالثقيلاتي

والهرج إموزن والثقاله صفاتي

ويامرحباب الغوالي ابتحياتي

ويامرحب هلا هلا بيكم عوافي

زي برق وسابق ماحد يلمح لهيبه

وزي طلق يوم انطخه ملو بنصيبه

وقت الصعايب زي النار النشيبه

وانعكر صفو اللي لينا ماهو صافي

بنخله يشهق أنفاسه بالأهاتي

وإندوسه دوس ونشعلها حريقاتي

وننهي وجوده بيدون الإعترافي

حنا انخلقا للزمن والله ذيبه

إي والله العلم دووم أنوده وإنجيبه

مر أحنا كجور العصايف هريبه

زي الصقر ابنخطف الصيده إخطافي

الله إمحيكم ياراعين الفزعاتي

اللي وقت الشدايد حاضر مافاتي

واللي قايل بيدالله موتي وحياتي

والله إمحيكم كثر جزل القوافي

امير أبوسمحان و عز الرفايق

عند النخيه يفزع فعل وحقايق

بالتيوتا اليباني سوا حرايق

الله حيك إمير وراعي النخواتي

يشعل حرايب ولايسلم بسكاتي

وعذاب النذل على أيده زاالمماتي

والقلب ميت جاسر لا مابيخافي

حنا ماتبنا ولا إنسلم صعيبه

غصب عن كل أحوال الدنيا العجيبه

والطايح لينا مار ابياخذ نصيبه

شيال إحمولن وزا الجمل كافي

أبو العبد إمير ويوزن هيباتي

صقر واملايم للهية والكشخاتي

والعقل شايب من قدم القديماتي

وعند الرفاقه حط كتفك على إكتافي

اما جال الركايب نار ولهيبه

نقعر جعيص المكاين قعر وشيبه

تايلندي والماني وليبي وجد رهيبه

ويباني مار ابيكسر جور السوافي

ماحد يقدر ماحد

قبل ولا بعد

نحرق زي الرعد

وحلفنا ونموت إرجال

يحرم على سعد

لو ماوفيت وعد

دوومن لينا تجد

ولابنسلم لأنذال

أبو العبد حيه

راعي اليبانيه

تيوتا أصليه

وألحق صعدنا الجبال

ع العز أتربينا

وكدنا أعادينا

والعامل ناسينا

حدالله ماهو فالبال

المسرح دووم لينا

ماحد بيعدينا

إرجال وكفينا

والقول إملازم لفعال

نزار اللي غنا

وغالي ثمنا

وأبوغازي عنا

شاعر البدوان وقال