كلمات اغنية حفل ال منصور صالح ال منصور

حفل ال منصور كلمات

اتكل بالله تعالى واستعين

واحمده والنور جلاي الظلام

شاعر صيده من الجزل السمين

يوم عانق فكره ابروق الغمام

ارحبو يامرحبا بالغانمين

عد من لبى بعد لبس الحرام

مرحبا والبن فال الطيبين

والقدر والعود الازرق والسنام

يستحقون الوفا قدر ومقام

منزل اصحاب الهمم في كل عين

شامخ ينشاف ماهو بـ الكلام

ياهل الامجاد والعزم المكين

حن حزام الجنب لي ثار العسام

عز يابطال ال منصور اجمعين

عز ياروس ماترضى الانهزام

ال منصور عمى كل عايل

هم ذرا الخايف لاشان الزمان

لاعتزو من فوق قب الاصايل

ابن منصر خلجت ام الجبان

ولاقصور في جميع القبايل

والقبايل مجدهم مايهان

كل قاسي في دقل يام يلين

محتمين الحد من قبل الكمام

دون نجران الرجال الصاملين

حن ملينة الحديد رجال يام

خيلنا تطرب لصوت المارتين

وذودنا ترعى القفر شرق وشام

حن هل الفزعه على دنيا ودين

نارد الموت الحمر ورد الحيام

مجدنا من ماضي وتالي السنين

من فضل ربي يجدد كل عام

وياصلاة الله على الهادي الامين

عد من صلى وطاع الله وصام