كلمات اغنية حنا هل الردات وابليس مدقور حاتم الشاطري

حنا هل الردات وابليس مدقور كلمات

ماني عن الماقف يا ابو نصيف معذور

والله لآتي فوق ما انت اتمنى

مدح الكفو لا صار طيب و منعور

شرايدن نطرب لهن لا غزنا

ناديت للهاجس وهو غايب شهور

جاتك على ماتشتهي يا مهنا

قم اصطفق بالجمجمه وانت مسرور

وهات القصيد اللي يجمل جملنا

واقف وارحب والوطن ذا وطنا

يامرحبا والعود الأزرق له يدور

باللي حضر حفل الرجال وتعنا

يامرحبا والبيت مبني ومعمور

على هلا واسلومنا اللي شعنا

يامرحبا واعداد وابل و شختور

على الدير لين الشغايا امتلنا

هذا سليل المجد والمجد مخبور

ماهو غريب الهاجس ان فيه غنا

يانسل عود فعله ينير ديجور

عن قولة ابيض وجه ماقد تأنا

كبار الدعاوي عند بابه رسنا

لو النعم ياباغي النعم محصور

امدا سعد ابن معيبد مكنا

وترى المراجل دور تاتي بثر دور

وانتم من اللي يمنون المجنا

يوم القشر والشر والأمن مذكور

اهل الدخاله من زبنهم تهنا

دخيلكم ما يلحقه بالزمن جور

يوم السيوف امن الرقاب اتحنا

عادة مراوين السعد ماضي عصور

ولليوم فعل الطيب فيها يسنا

والحر يبقى حر من ماكر صقور

يا ابو سعد والمدح لازم يثنا

اقولها والله من صادق شعور

عن مدحكم ياهل السخا ما تونا

طيب السلف لأهل الخلف صار مأثور

هذي مكاسب حرب منا ومنا

مكاسب ماتنوخذ بأسم جمهور

يبغالها سيف ورمح مسنا

يوم المكالب مابلع ريق حنجور

خصيمها بساحة وغاها يونا

خارت قوى فهود وفحت لها صدور

يوم المنيه جات صوبه تدنا

ولا صاحت العذراء ادمانا بنا تفور

وابك اسكتي يابنت محدن جهلنا

موت على عز ولا موت مقهور

وابك اسكتي يابنت بالله عنا

صغيرنا من شافه يقول مخمور

اليا اختلط عج الرمك مستكنا

وكبيرنا كان الرحى قامت ادور

يلاعب الموت الحمر بالأسنا

حنا هل الردات وابليس مدقور

اهل الثلاث المعجزه في زمنا

يابنت ضيقة حرب ماهي بالقبور

الضيق والله خصمنا لا تغنا

قومن وزفنا على الموت طابور

ابيوتنا وسط المقابر تبنا

واليا بكن عيون منهن على الكور

حنا الرجال عيونهم من بكنا

وانا من اللي يوم ناهي ومأمور

تارد ركايبنا على ما انتمنا

عيال راشد تاخذ براسها الشور

عدوها ذا والله اللي معنى

فعل الجمايل عندنا تقل دستور

نزها المراجل والمراجل زهنا

ولاني بجاهل بالعرب مابها قصور

الطيب كفى للجميع وتسنا

ما جيت في حفل المراوين ديكور

والمدح مايقعد بصدري مكنا

ولا جيت لأجل اعد واحد من حضور

انا المعزب مرحبا فمحفلنا