كلمات اغنية حنا هل الوادي واهل الاشدة محمد ال نجم

حنا هل الوادي واهل الاشدة كلمات

شيلة مهداه ل راجس بن محمد المصارير

ذا السنه على اهل الحيران مرتده

والعرب ربي يعوض مساعيها

من بنا حلمه من العام بيهده

عوض الله هقوتن كان هاقيها

حاسم راجس شوطه قبل مده

لالقى خطوا الغزيزه يضويها

هاتها يالحبيبي وازهب العده

اقدم بوضحا لها شارب وخده

زودها في اللحي خرع اذانيها

طافح كن فالسما الغيم بتصده

طاغية وزود العرانين مطغيها

والرقاب من النسانيس منمده

وغارب زايد من الزود في يديها

ىالفرايد جات بالوصف معتده

بعض الاريا خير والبعض نقاده

ومن وصف عراك لاما وصل حده

احمر عند المصارير ميراااده

وفارق في غاربه والتسناده

طافح ماخابت ضنون من هده

من قنا مثله بلغ شفه مرااده

كن حماره لابغيت اوصف بحده

جمرة في راس غليون وقااده

والنحر بيبان قصر وعلى حده

خطوة تطغى على الوصف وزياده

ان مشى شيخ روا المجد من عده

ون وقف وقفة سلاطين وقياده

عند قرم لابدا المدح ب اعده

الوفا والطيب مركاه وشداده

عند راجس بن محمد وافي المده

ياسعد منهو لاحتمى الموقف سناده

ربعه الي لاحتمى العلم وبان مزحه وجده

تطحن الروس العنيده في رحات مستديره

المصارير الدهاياا واسمهم مافيه قده

هيبتن ماكنها الا هيبة الكنق ووزيره

لاعتزا الرجال فيهم بسم الحبيبي وجده

ماغدا من حقهم فالهوش لو حبة شعيره

والدواسر من سطو في نجد من حده لحده

الدواسر الي فعايلهم على شبه الجزيره

فعلهم من ماضي الايام ماهو قبل مده

كم من شيح مسما فالقا حسنا مريرره

عزوتي الاد زايد لاحصل هاته ووده

ولاد تغلب فالمواقف محزم كله ذخيره

حنا هل الوادي وحنا اهل الاشده

فعلنا بالرمح ولا بالمراهيف الشطيره

في نحور القوم ولا تقصم العظم وتقده

محتمين ديارنا يوم المغازي والمغيره