كلمات اغنية حول الناس مسلم اللبناني

حول الناس كلمات

حوال الناس

الناس الكادحة و لـ كلاس

لباس ولا باس سبحان لي زاد و نقاص

فالكاس

كان من الذهب مصنوع ولا نحاس

فيه المرار يبقى مرار ما يبدل طعموا ماس

جنايز و اعراس

كل محروق بحريقو حاس

ما بقى حد بحريق حد يتقاس

ناس فقلبم الهم دحاس

سيوف و مواس

غارسها فيهم الزمان لي جاهم فاص يعفاص

يتسما والو الزهر ولا عكاس

كاين لي صبر و خيط بصبرو لباس

و عاش حتى لقبر دايما مرفوع الرأس

و كاين لي عاش حباس بين حيوط الوسواس

عارف الزمان قناص و على الدقة عساس

و مايكون غير المكتاب حتى لآخر الأنفاس

و هذ الشي باين شوف حوال الناس

كنت حـاج ولا محـتـاج ولـو فـراسك تـاج

راك فـالدنيا عايم والأيام مـواج

لا تـظن راك عــوام ولا عتولي تعـوم مـع الـدوام

مـواج هذا الـعـام مـاشي فـحال بـاقي الأعوام

كنت حـاج ولا محـتـاج ولـو فـراسك تـاج

راك فـالدنيا عايم والأيام مـواج

لا تـظن راك عــوام ولا عتولي تعـوم مـع الـدوام

شوف واحد مات و جاروا عندوا سابع

و لي درويش و مراضيش و لي درويش و قانع

كاين لي مربي الريش و حامد و كاين لي مربي الريش و طامع

كاين لي خطى فالساهل و كاين لي نجح فالمانع

و لي رسم لراسو طريقو و باقي فيها دالع

و كاين لي طريقوا هبوط و باغي يمشي طالع

واحد راحتوا فكازينو واحد راحتوا فجامع

واحد مجري على ولادو واحد للأيتام جامع

ناس تهاجم ناس دافع

و لي يدافع فيدوا حجرة و لي يهاجم عندوا مدافع

واحد متهوم واحد يترافع

واحد جار واحد دافع

واحد ضار واحد نافع

عشيري قطع لبحر و عشيري يموت قاطع

عشير مدفون فالقبر و عشيري يدعيلوا راكع

شـوف حـوال الـناس فـالمـجـتـمـع و شـحـال جـامـع

فـيـه أنـا لـي كـاتب و فـيه أنـت لـي سـامع

كنت حـاج ولا محـتـاج ولـو فـراسك تـاج

راك فـالدنيا عايم والأيام مـواج

لا تـظن راك عــوام ولا عتولي تعـوم مـع الـدوام

مـواج هذا الـعـام مـاشي فـحال بـاقي الأعوام

كنت حـاج ولا محـتـاج ولـو فـراسك تـاج

راك فـالدنيا عايم والأيام مـواج

لا تـظن راك عــوام ولا عتولي تعـوم مـع الـدوام

مـواج هذا الـعـام مـاشي فـحال بـاقي الأعوام