كلمات اغنية خارطة المراجل فهد بن فصلا

خارطة المراجل كلمات

خارطة المراجل

شلّه بمناسبة زواج: ضيف الله بن طراد الأحمري

كلمات: عبدالعزيز بن سحمي المشعبي

اداء فهد بن فصلا و جفران بن هضبان

ابيات الشيلة :

( الموال )

هاج موج المدح مابين جزر وبين مد

يصطفق من حيمة العز لجبال الحصاد

وين مايممت وجهك تشوف ابن طراد

كان للـرفقه ، وكيل نعده معتمد

ماركة بن ثعلبه فارقه عن الـعباد

( القاف الاول )

تلعب الدنيا بثوب الغنج مثل الهنوف

ما سلم منها من تبشر بـ سلامته !

الحظيظ اللي مايشقى ويلحقها الحسوف

وان تمثنته البلاوي ماترخي هامته

ما اكتفى شر المتاهه وصكات الظروف

لو علامات الزمن اشرت لـ قيامته ..

و الكريم ان غامر العز نفسه رامته

و الوفاء فزعة خوي تحتم لـ الوقوف

تبهج عيون الرفاقه و تلجم شامته

بين متنٍ ما توانى وهاجوسٍ عيوف

اعتدل قاف ابن سحمي على استقامته

ضيف قافه من على اسمه فتح باب المضوف

كل يوم و ضيف عنده على كرامته

ايه “ضيف الله” وتكفيه عن كل الوصوف

الكرم ثوب عزيزٍ توشح خامته :)

ماتهيى للمكارم على حسب الشفوف

مذّن العليا يجاوبه صوت اقامته

ايتحين للجميل الفرص ولا اطوف

من مكاسر طيب ذاته ومن قرامته

احمريٍ لا دجر ماعرف ذله وخوف

من طناخة راسه تشب حتى عمامته

( القاف الثاني )

تامر واقول امرك على الراس والعين

المشعبي ان وقف مايبغي له ايعاز

كوفيد 19 ،، و سلالة الصين

ما هازت اللي ما يزحزح و ينهاز

الحفل حفلي لايسار 'ن ولا يمين

ما جيته بكمام ولًا بـ قفاز .. !

إلا إرحبوا ما تغرب الشمس وتبين

يصدح بها شفق ولا هوب عجاز ..

ترحيبة ابن طراد منصى الميامين

عزيز و يرحب بضيفان واعزاز

بسمه وأسم ربعه صعوط المجانين

صبيان غالب لا ركز كل مركاز

بللحمر اللي تودع الصف صفين

لا جاء نهار ٍ فيه مقدم ومنحاز

خاويت منهم من يساوي ملايين

انشهد انه بالوفاء و الكرم فاز

لولاي مومن قلت ما خلق من طين

من كثر ما له في المعاريف إنجاز

من قبل فرجت تقضي الهم والدين

الثعلبي يجلا عمس كل معتاز