كلمات اغنية خبطه قصاد خبطه مصطفى الجن

خبطه قصاد خبطه كلمات

الرجوله ع الورق

والخيانه بقت ع الملأ

بس الضربه اللى مش هتموتنى

الله يكون فى عون اللى هيضربها

خابطه قصاد خابطه ودم بدم

لو دارت مش هتتلم

ماعليك بالباقى ياعم

انكش واستقبل

مطوتى من جمبى انا ما بشيلهاش

تيجى تتسكن إنعاش

ع الدوغرى ما شوفتلهاش

سندال بيقبل

مش خالصه مع إلى هيعادينى

مين كحل مره رمش عينى

انا ما بجليش من التخين

الحكه بشكه واللى اطولو

مفهاش تفخيد هحطهولو

مش شايف حد قد قولو

هلاهيل ع الفاضى منفوخين

كلمه تجيب كلمه فى كلمه ونص

كشاف يعمى إلى يبص

انا لما اتكلم هوس

الصمت التزمو

الوزن ياعم جيلك فى الأسم

اصحالى يلا مش بالجسم

انا بكسر عين الخصم

لو جيش تتهزمو

طب كمل للأخر يا سيدى

يابنى انا م الترعه مش كويتى

متجيش مع حد من بولاق

محمود عصفوره غاب سنين

راجع راجع يامرشدين

فاكيو لكل إلى شمتانين

ولا اى ولاء ولا انتماء

نو اند جاتوه هابى نار شماريخ

افخم تورتة صواريخ

هعملكو بارتى فشيخ

فى منيت هتنور

ايدى جت على ولاعتى السخان

هقلبهالكم بركان

مبقاش الا الخرفان

وهتيجى تحور

تلاشونا بلاش تحولونا

تعادونا هنديكو الصابونا

كوابيس فى الحلم هتشوفونا

تتهانو لو يوم تخصمونا

ما بلاش دخلات صلاح معارك

تخطأو تترنو بالكذالك

هرى النسوان مالوش جمارك

هاتو راجل فيستو فيس يشارك

عايزين قراصنه تلعب جولات

حلكو م الاستوريهات

مش هنقضيها حالات

ورونا بطولاتكو

سكاكينكو إلى على الواتس ديكور

بتجيبو وره لما تدور

احسنلكو لمو الدور

فوقو لا نخرطكو

اللى بتتصيطو على حسو

اتهلفت و كسرنا بنفسو

هتموتو لو فكرتو تجسو

اركنو ماتجوش على سكتنا

يالى معانا ذكائكو يخونكو

ع الدوغرى مكانكو هندفنكو

شاغلينكو عشان احسن منكو

خمسه علينا ابطال دايرتنا

انا برا و جوا ثبت وجود

وبعيش لو وسط يهود

ممنوع طول مانا موجود

هلافيت يوم تكرف

مش معتمد الأخصام ياحيلتها

انا حقى بجيبو فى ساعتها

ريح واركن يا شورتها

من امتى بتصرف

لو ع التغفيل فايق وصاحى

وعلى السنان سانن سلاحى

فى الشارع انا قاعد صباحى

انكشو لو ليكو الهوا منى

استحملو هبة الشرايط

دانا هعمل وشكم خرايط

هلمح اى ابن فاجره زايط

هتحول وانتم عارفننى