كلمات اغنية خطفت العسل عبدالرحيم عبدالله

خطفت العسل كلمات

ناظرْك يرمي عليّ اللوم منْ طرْفه

وآحب طبْعك معي يالنادر الوافي

محلا عتابٍ يجي منّك ويا لطفه

إمّا كذا الحب .. و إلا جعْله الهافي

اللي بقلبك قبِل لا تنطق آعرفه

اقراك من نظرتك و آترجم الخافي

لا ياسميّ الوله و الشوق واللهفه

لا ياشبيه الصباح الهادي الصافي

لايلْحِقِكْ ضيق من ناسٍ تجي صدفه

و تمرّ ما حرّكت قلبي و لا اطرافي

الحب..ماهوبكيف اللي يبي خطفه

في وسْط قلبي عليه سْيوفٍ ارهافي

اللي تعدّا عبارة زين الاوصافي

ويش اوْصِفَ الخوخ لاجا باوّل القطفه

والا اوْصِفَ الزين لا جا زاهي وْ ضافي

والعين فيها السما والسيف والشلفه

في غيمها فراش لي و بْجفنها لْحافي

آناخطفت العسل وادمنْت من رشفه

من بعْد طاف الجمر و اللول مغرافي

قلت: انت طبي مهو في داخل الوصفه

قال: العسل فيه طبّك.. والله الشافي

و ان كان جرحك منِ عْتابي بدا نزفه

هذا خفوقي و خلّه منْهِ يستافي

يا جعلني فدوة اللي كاملٍ وصفه

عرّاب حبّي و دكتوري وعرّافي

من طيب طبْعه ومن لينه ومن عطفه

وقّفْت محتار في شعري وفي قافي