كلمات اغنية درب الهوى فيصل المداريه

درب الهوى كلمات

عديت ف رجم علئ الديره منيف

وعيني تخايل حاجه ما تخايل

الله يعين اهل القلوب المواليف

ماحصلو راحه لو العمر زايل

ي شقير جاني ف زماني صواديف

والحض ماله في حياتي جمايل

وانت الرفيق اللي لا جات المواقيف

ياقف ويشتال الحمول الثقايل

درب الهوا م هوب مزح وسواليف

صدق المشاعر غير حب الرسايل

وانته وانا من عزوة تروي السيف

يعرفهم التاريخ قبل القبايل

عزوة زريب معدلة كل مايل

قوم ع ورد المنايا مشعايف

نجد نزلوه ب غصب م هو محايل

م هوب حب صافين م دخله زيف

لم الشمل تكفون ي اهل الفعايل

لو لا الشعر ضاقت علي المحاريف

لاكن اللي راحة ب طرق المثايل

انا مع اهل الحب مسجون ومعيف

وعندي علئ حبي شهود ودلايل

اسنيت لو اني قريب من الريف

وكبدي م شربت من صدوق المخايل

اطلب رجا ربي من الصيف ل صيف

لين اكلت وجهي سموم القوايل

وافي ولا لي ف وفايه معاريف

الحب يعرف ب الوفا والفعايل

ان جات والله م عليه تخاليف

وان راحت اخلت ب الضلوع النحايل

ولا سمعت ب حبها كل قايل

معيفتني كاملاات التواصيف

م هوب ذم ف بنات الحمايل

في نجد والله م بعد مثلها شيف

من الضبي فيها وصوف وخصايل

العين عين اللي ب عال المشاريف

وعود ليا جته الهبوب يتمايل

طرقا عذاب لظامرات السراجيف

تلعب مثل لعب الفرس ب الجدايل

حرة نسب ماتنعطا بالمعاريف

جدانها اللي لاطمة كل عايل

ما دونها غير السيوف المراهيف

مهرة عقيد دونها الموت حايل

من عزوة تعرف من السيف ل السيف

نجد حكموها فوق قب الاصايل