كلمات اغنية ذوي عون جفران بن هضبان

ذوي عون كلمات

ابطى الصباح ولا بقى له معاذير

والشمس لولا اشراقها ويش هي له

والليل له بين المعاليق تاثير

مثل العميل اللي مايبغى عميله

لولاي اطيب خاطري بالمشاوير

والله ماعين للوناسه عقيله

خل الكلام اللي تقول الشواعير

بعض المجامل مثل طعم الفشيله

والمعرفه في كل الاشياء فضيله

محامل الدنيا من الشر والخير

تدرج رحاها بالخطر كل ليله

العاقل ان هدت عليه المقادير

حط الصبر لمواجهتها وسيله

والجاهل ان تكت عليه الازارير

راحت عليه الدايره مستطيله

مير الوكاد الوقت له هبدت بعير

تخلف تفاصيل الحياه الجميله

ارم البشاره في وجيه التباشير

واكحل عيون اهل الكبود العليله

من دونهم في مايخص القبيله

والطيب اللي سيرته عندنا غير

يستاهل بيوت المديح الجزيله

تركي ولد ناصر مغن الخطاطير

الطيب اللي كل طيب يجيله

اشهر من اسامي الرجال المشاهير

وبيته على قوقل مايبغى دليله

له مجلس مايفصل من المسايير

ويزبن له اللي شاف بالوقت ميله

من القحومه محتمين المظاهير

رجالهم يفرق عن اقران جيله

كم وردو ضامي على جمة البير

مافيه حاجه قدمهم مستحيله

وجيههم من الكرامه مسافير

ويدينهم على المكارم طويله

وعلى الكرامه يتعبون المناعير

لا قام ولد اللاش ينفض شليله

ذولا بني عمي شرار وسعاطير

متوارثين المجد دم وفصيله

حنا ذوي عون السيوف البواتير

اللي يجي قدامنا عزتيله

مركاضنا يشبع به الذيب والطير

لاطار ستر اللي تكد الجديله