كلمات اغنية رفيع المقام شبل الدواسر

رفيع المقام كلمات

الهاجس اللي وقف بيني وبين المنام

وراه مايترك عيوني على حالها

خلاني ابعد عن الضجه وكثر الزحام

لين الرياض أفقدتني وانشغل بالها

قريحة الشعر مارد والفرايد حيام

خل النجيبه تطاوعني بزرفالها

سجنتها لين عاشت في قفص لاتهام

وأطلقتها لين راحت تسبق إضلالها

وإلا تريح وفال الله ولا فألها

ام الكباير تراها بنت شرب وطعام

ردت عيال الرجال وغذت اعيالها

صادمتها يوم لي راس يحب الصدام

وذكت من أحلام عمري ما يورى لها

ما غيرتني وأنا جدي يفك الجهام

يوم الخيول تهذب في رأي خيالها

صكات الأيام لو تنصى رفيع المقام

ما كلفت من عزومه غير مدهالها

جساس لولا الكرامه ما تعزوا وشام

وأخذ برمح الكرامه خيرة أبطالها

يبغى غناته وفعله يقطع أحبالها

من رسم الأحلام لـ لحظة بلوغ المرام

خطوات يسعى لها اللي صح يسعى لها

العز ما مر في راسي مرور الكرام

ثابت فـ راسي ثبات الارض بجبالها

دايم ولله سبحانه كمال الدوام

ماني من اللي تناولها ولا نالها

حجم الثقه ما يجي باللتر وإلا الجرام

حسب المواقف ومجراها ومجادلتها

امدوح مثل الريا ومدوح ذروة سنام

بنات الأفكار فيه معرب خالها

عشنا نحشم الفعول اللي عداها الملام

ولا نحشم الرجال لحشمة أموالها

سلام يالي فعولك تستحق السلام

اللي عليك الهقاوي تبني امالها

والهقوه اللي كذا بنت عليها لآثام

ولا يكحل عيونها إلا فعل رجالها

من كبر جاهك نعدك للأمور الجسام

ننسف عليك الهقاوي وانت تشتالها

ي القايد اللي تليق بك الثقه والمهام

ثقة ولاة الأمور اسلاح من طالها

فضاء حزام الأمان اللي نعده حزام

تسبق فعوله صدى الكلمه ليا قالها

لامر طاريه قهوتي الشعر مجد خام

تنصاه الأمداح اوالدله وفنجالها

سمعتك ي ابن طريخم مثل بدر التمام

اللي عليها القصيده تسري ليالها

بينك وبين الفعول الكايدات انسجام

مثل ما بين الحقوق وفرض معادلها

الطيب لو له لسان ويستطيع الكلام

كلمة وسبعين نعم لسمعتك قالها

فعل ابو راكان بين مثل فعل الحسام

اللي من اول يرد الإبل على عيالها

من ربعي اللي يوم ان الأمن ماله مقام

تامن بنا الارض ما نبكي على أطلالها

حنا الريحات شعر و فعل واسم وسلام

وحرب نشنه يشيل أديار برجالها

ميقافنا يوم واحد عن ثمانين عام

اثبت من الحره اللي تعرف أجبالها

نروي شباء سيوفنا اللي ما تعرف الصيام

وندعي سباع القرى ونكرم سبالها

قدامها روس الاعدا اللي وطاها الصرام

ما فاتها شيء لو تبطي بمحوالها

عادت سهوم المنايا لا اعتزوا لا امر هام

للسيف والراي عقدتها وحلالها

قوة جبروت روس فالأمور العظام

انشد عن الترك حاكمها وخيالها

هل تعلم أنا ما عشنا لحظة الانتقام

دايم هل الاوله فال السعد فألها

يوم ألجزيره بحر فتنه وفيه التطام

نظرب بقوة عصى موسى على أهوالها

سموى البقوم اسم أيرد البرى والجهام

مثل ما رد الجليله خطة ارجالها

وجيهنا بيض بفعول تبوج الظلام

شمس نسير بواهجها وبظلالها