كلمات اغنية روح بقلبك مروان موسى

روح بقلبك كلمات

فين الحب فين قلبك ليه مش جواك

انت ف الركن والحزن موت هواك

تفكير بزيادة والعجب مش عاجبك برضو

فتحت كيسة الجهاز وف الآخر بوظته

كلام إنجلش بيبرر لك

anxiety ADHD insecure toxic trust issues OCD

كل ده ف الآخر إستخدامه ف خانة التبرير

كل ده ف سبيل نتحسن واحنا مش متحسنين

روحت فرح بس الحال حزين

اخواتي مني مقلقين

ازاي احنا فنانين بس ببعض مش حاسين

آه الانتماء عندي تقدر تقول غشيم

ايوه فاكر ايه ما انا اصلا من الفلاحين

من السبع آبار ابويا راح مدرسة السماكين

ف سجن ما 6 سنين فا ماتقولليش استنى مين

روح بقلبك انسى عقلك

روح بقلبك انسى عقلك

علي صوتك أعلى نوته شوط لفوق

علي صوتك أعلى نوته شوط لفوق

الشاي برد ليه

ما انت سايبه في البراد

الصحبة خليت ليه

يمكن مش صحاب

انت لو مش عطشان مش هاتحس ان دا السراب

ما انا اللي احتجتلكوا

لو انتوا مش طايقيني ليه مثلتوا

عتاب بين صحاب اتحول لكلام بينكوا

دلوقتي أنا اتقفلت وقفلتي مالهاش PIN code

عزوتنا وهم دي حدوتة من ليالي ألف ليلة وليلة

مهرجان حكاية الصحاب مع فيلو في الدخيلة

وداد كازابلانكا عامل تيفو بإسم العيلة

جروح وحروق هاتولي Aloe vera

بقول لقلبي روح بقلبك

آه إديها حب ودوس مش كل حاجة ذنبك

انت عملاق بس في نظرة الكون انت نملة

مش عيب انك في بعض من الأحيان تقبل المساندة وروح ب قلبك

روح بقلبك انسى عقلك

روح بقلبك انسى عقلك

علي صوتك أعلى نوتة شوط لفوق

علي صوتك أعلى نوتة شوط لفوق

بتوصل لأصعب مرحلة الإكتئاب

ف حالة إستسلام راح زمن الاستلهام

الاكتئاب قام شغل 6 أفلام ع الزفتفليكس ونام

بايعها نص كاش نص تقسيط على 10 سنين او 150 يا بني آدمين

ف القفص في صدى صوت مع Reverb من قلب صدى

فات المعاد ازاي وانا ظابط ساعتي ع المحطة

راحة بالي راحت مراحل فيه شيء يتبقى

طالق راسي عايش حياتي مراهن ع الوكسة

نفسك تستنشق الإثارة

طول ما الموب ف إيدك هتتبرمج ع الخسارة

ماتصونش عشرة لو لقيتها جت عليك بسجارة

ماتبصش لزميلك في صيدته حتى لو عطشانة

فرصة العمر جاتلي من السما وقعتلي

ده مكنش مكتوبلي انا الكارف من صغري

مفوت أول تاني تالت رابع خامس كوبري

فكك م الشهرة ياعم شوفني مكان ما تشوفني

كسول عديم الحركة يائس

لابس طقم طرش عشان الناس ماتشوفش انا مين بجد من ورا الملابس

انا ف مرحلة فاكس

ماتحاولش تقنعني أتعامل بدون قناع ساعتها وش أنا هضطر أتباكس

عايشين وسط ناس عايزه تتنك ع المتصيط

يا جدعان انا مشهور دا مش معناه ان انا هتغير

أو معناه إني هتلون ف ليه بتسبق وبتأير

ماكانوش كام مليون فولور ماكانش بوست إتشير

الكلام كان على فن وإبداع

دلوقتي الكلام عن ألبوم نص نص اتعمل واتباع

مجالنا واقع ودي عليها إجماع

بنروش على بعض ومقضيينها خداع

باشا كله ركز ف الصياعة طب مين إهتم بالصياغة

وانا واخدها رياضة معايا كام تراك ف الصيانة

الصنعة في التقفيل والتقفيل في الخياطة

تصديرك واستيرادك

أنا مطبلش لنفسي وأفكاري مش بتخونني

و بدون مبالغة انا إديت المجال ده عمري

كان مشهد ف المنام بيزورني

بس الاحلام بطلت تيجي لأجل الاعتناء بالبني

صاحبي انت ف الآخر زومبي

هو انا أبقى مجنون لو قولتلك ننزل دلوقتي

نكروز شوية ف دجلة وأنكشك باعشق غلاستك

مسافة السكة قرب قلبي لقلبك

وهتأخر على ما تجهزي عشان هارشك

هونتيلي أصعب فترة

في الاكتئاب 4 شهور تتهدر

دنيا مقلبالي المواجع فاتحة بدل الجرح 10

قولت إني مش هشرب واديني تاني ف After

مش عارف أصلب طولي فيه ناس عرفاني

ناسي نفسي فكروني

انا كنت إزاي قبل ما تشهروني وتكدروني

تجاوزت بيقولوا ياريتهم ما عزموني