كلمات اغنية زي الشمس ونوس

زي الشمس كلمات

معرفتش اعدي ده لوحدي

كان نفسي في ناس جديدة تشدني و تلحقني

علشان ناسي القديمة زهقانين من شدي

و كل ما يبقى الشط جانبي بلقى الموج رجع يسحبني

مانتوش مجبرين و الله

محدش ذنبه اني اترميت في حضن الماضي

انا اللي لازم اواجه و اعترف بـ اخطائي

ان انا عبيط عشان سامحت مسلمتش راسي لـ شيطاني

طب قوليلي هتحسي بـ ايه لو يوم عرفتي

ان انا دلوقتي معايا واحدة شافت عيبي و مش بتمشي

علشان فعلا كانت مهتمة لـ اي كلمة طالعة مني

لأ مش زيك كان فعلا فارق ليها امري

مبتسبنيش لو لحظة الا لو بتصلي

تتغلط تتأسف مش بتقولي اصلي و قصدي

و ان يوم غلط بتسامحني و تبرر لي

بليل الذكريات تبلعنا

ليه طول الليل بنفتكر حاجات توجعنا

كل اللي شوفته نعمة كان في الأصل لعنة

كانت واضحة زي الشمس انت اللي شكلك اعمى

مش فارقة نبعد ولا نرجع

انا عايز حل بس عشان دماغي بتولع

انا عايز ناس مهتمة مش يدوب بتسمع

انا حاولت اكتم و اعدي مستحملتش مش هينفع

انا محتاج لحد يساعد من غير ما اطلب منه يساعد

من غير ما يحسسني بـ حاجة انا مش عايز ابقى حاسس

انه مجبر او مش عايز او شايفني ضعيف و عاجز

انا متبهدل مجبر استحمل و اكمل

كل ما تتعدل تتقندل كل ما بتعلق بتبدل

كل ما الاقي حد احكيله برجع الف خطوة و بفكس

علشان بكتشف كالعادة اللي انا بحكيله مش مركز

ولا فارق له انا مش ببالغ ده اللي عيشته

حلمي و صاحبي و اختي و جدو مات كل اللي انا عايشله

هبقى ليه و استنى ايه همشي ازاي و هروح لـ فين

و انا كل اللي همي عليه طلعت فجأة تقيل عليه

بليل الذكريات تبلعنا

ليه طول الليل بنفتكر حاجات توجعنا

كل اللي شوفته نعمة كان في الأصل لعنة

كانت واضحة زي الشمس انت اللي شكلك اعمى