كلمات اغنية ست بالف راجل ابراهيم فرج

ست بالف راجل كلمات

امي ست بالف راج ..

سابقه كل الناس بخطوة

عمرها ما شافتني عيل

او قالتلي ف مرة لا ..

امي لما دخلت دنيا

قلبها هو اللي دق ..

ست عاشت طول حياتها ..

قاعده بتربي وتكبر ..

لما بتعطلنا حاجه

هي بتحل وتدبر ..

مافتكرش ف مره مثلا

عوزت حاجه تقول مفيش ..

وف تعبها متشكيش .. .

خدت منها حاجات كتيره

نفس لونها ونفس عينها ..

واما بقعد ساعه بره ..

فجأه يوحشني حنينا ..

احنا اه ماحناش ملايكه

وطول حياتنا مغلبينها ..

اللي كان مش عاجبه حاجه

واللي عايش دور سذاجه

واللي عندي واللي مش سامع كلام ..

بس نمشي ف اي حته ..

واحنا متتبعين خطاها ..

واما كنا عيال ف لفة

كنا نتلم ف غطاها

حتي لما كبرت برضه ..

كنت بنزل اروح لشغلي

كات تقضي الليل بطوله

قاعده سهرانه تذاكرلي ..

وان وقعت وكله سابني

كنت بسمع منها ساقفه ..

كنت متطمن وببني ..

عارف امي ف ضهري واقفه ..

حتي كل نجاح عملته

كنت بفرح بيه معاها ..

اي خطوه ف عمري اخدها ..

كل ده بفضلة دُعاها ..

مهما قولت يا امي ليكي

عمري ما هوفيكي حقك ..

مهما شوفت ف عمري عمري

ماهشوف زي قلبك ..

زي سهرك كل يوم مستنياني

زي تضحيتك عشاني ..

زي وقفتك الكبيره

واللي صعب الناس تقافها ..

زي صبرك طول حياتك

مستحمله الدنيا وقرفها ..

واما عدي الوقت بيا

واما شيلت المسؤلية

ابتديت افهم كلامك

والنهارده عرفت قيمته

كان زعيقك ليا هدفه

اني احقق حلم عمري

اللي من صغري حلمته

انتي تاج فوق راسي ياما..

لو ف مره اتشال اموت ..

امهاتنا طول حياتنا ..

هما عمدان البيوت ..

اللي بتجبلك كل حاجه

لما بس تقول عايزها ..

اللي مهما تلف لازم ..

يوحشك ريحة خبيزها ..

مهما هكبر لازم ارجعلك يا امي ..

انتي كل حياتي وانتي

اغلي حب انا يوم عرفته ..

انتي كل الدنيا عندي

وانتي ضهري وانتي سندي

عيشتي عمرك تخدمينا

وياما ضحيتي عشانا

انتي بالنسبالي دنيا

وانتي بالنسبالي جنه

بوعدك اكبر واكون

زي ماتمنيتي اكون ..

تفضلي تقولي ده ابني

تفرحي وتفتخري بيا

وتشوفي تعبك معايا

وتحصدي ثمراته فيا

اغلي ما فعمري يا امي

ربنا يبارك ف عمرك

ربنا يخليكي ليا