كلمات اغنية سلالة الحيسوني شبل الدواسر

سلالة الحيسوني كلمات

ياللي تحسب الشاعر اوضاعه تمام

اوضاعه ادنى حاجة بتحوسها

مشغول بين ظروفه وضغط الدوام

واشغلته افكاره بكثر هجوسها

قريحته ماهاضها سجع الحمام

تهيضهاا وضح كبار روسها

ارقابهن جردا وفاهقت السنام

رثم الخشوم اللي مبين قوسها

محرم هل الناموس من ناموسها

مسبل ماحط له قيد وخطام

ذكره وصل كل الدير وعسوسها

بناته يعانق نظرها للغمام

من رفعها كبر الغرف وسقوسها

اليا اعرضن قمنا نردد ياسلام

عسى فداها اردا البل وحرسوسها

في مشيها خفه وعجله وانسجام

كن السعاير بالخفاف اتدوسها

متسيده فالزين مافيها كلام

خطر على راع النظر كابوسها

اتذوق الاخصام مر دروسها

معروف مركزها بجايزة الامام

ماهي ب خنبا احسن مافيها ديوسها

هاذي ليا قالو مطيرت المنام

تحلم بها عالم تصر فلوسها

بداوة اللي لا احتمى ضرب الحسام

اتحط ريسها على مريوسها

يوم الخشوم تزوم من زود العرام

تفرك خشوم اخصامها وتدوسها

تتبع هواها كل يوم وكل عام

تسحب هجينها على منكوسها

يامكثر الاسوام جعلك للسوام

إنفوسهم مرتبطة بنفوسها

من حبها من قلب عداه الملام

متوافقه اطقوسه امع طقوسها

يلومه اللي عاش في برد وسلام

ماعاصر الكنه ولفح شموسها

من دونها رجل ليا هوبل وقام

مايلتفت ف اهل الردا ودنفوسها

إمعبدي مقلاطه الصف الامام

ذخر القبيلة فارس ومن روسها

من عسكر البارود في وقت الزحام

الضعف لايمكن يجي قاموسها

قبيلة في صفها ماش انقسام

روس تروس الروس محد يروسها

حرب الحرايب من زبنهم مايضام

يوم المعارك ماتهيد جروسها

تارد على الموت الحمر ورد الحيام

تدرج على روس الاعادي موسها