كلمات اغنية شكرا يالي مني حسام الشرقاوي

شكرا يالي مني كلمات

وخلاص وقفت انا على رجليا

وحياتي بقا كده ليها اساس

مش هبقى تاني في يوم سلبية

ولا ارضى تاني اضيع وانداس

وبجد فوقت من اللي انا فيه

وقلبي اللي كان جواه احساس

حطيت علامة اكس عليه

وهعيش لنفسي ومش للناس

كل اللي باعني وجه عليا

وحس ان انا لقمة طرية

حتى اللي فكرني غبية

وكنت ليه مرحلة وخلاص

جاية انهاردة انا ناوية

وبقولكم ظلمكوا فيا

كان درس ايوة مفيد ليا

وليكو مني شكر خاص

شكر خاص للي كشفلي ان دنيتنا دي غابة

شكر خاص اوي للي قالي فوقي حاسبي من الديابة

للي فتح يوم عنيا واللي علمني القسية

ناس جبانة ومش وفية ميعرفوش معنى الاخلاص

شكر خاص للي دبحني واللي استقوا عليا

شكر خاص للي جرحني قلبي عنده مالهش دية

للي قال كده يلا نفسي واللي شككني في نفسي

واللي اتسبب في يأسي وبقسوته عليا داس