كلمات اغنية شيخ المناعير سعود المكاحله

شيخ المناعير كلمات

مهداه الى الشيخ بادي بن دبيان السبيعي

ياهاجسي صخر لي القاف تصخير

هات الجزال وطيبات المثايل

عطني من الندر وزين التعابير

في مدح راع الطيب وافي الخصايل

اي والله ان مدحي لشيخ المناعير

قول صحيح و مكده بالدلايل

بادي على الطاله كما قمة النير

والنعم يابادي ومثلك قلايل

كريم سبلا ما تحسب المخاسير

ما حاشته يمناك في يوم زايل

شيخ الكرم والجود ر يف المعاسير

في مجلسه تلقى الدلال المباهير

والعود الازرق طيب شيخ الجمايل

لامن لفاه الضيف ماشاف تقصير

يقلط على قعدان ومالضين حايل

من طيب بادي دك براسي سعاطير

افريعنين شاش والراس طايل

واخوانه الوافين دهاةن مشاهير

تشهد مواقفهم بطيب الفعايل

اعيال عودا جعل قبره نواوير

وتمطر على قبره حقوق المخايل

توارثوا طيبه من صغير لكبير

والعز ساس معربين السلايل

لاجاء نهار به مزاحم طوابير

تقدموا له واصبحوا من الاوايل

هذه لهم عادة في شر في خير

مركازهم الاول مابين القبايل

تقدمو بصفرأ تحالي الدنانير

خرع الاذاني والحلا فارق غير

ومن زينها تزهى عليها الجلايل

صفرا على مشهاتها حثو السير

ومرباعها بين الايديه وحايل

بنات عليان الشناح المصاغير

اللي ينافسها يشوف الهوايل

نفخر بهم ياسبيع فخرا مع الغير

دقلاتهم لجت كما السيل سايل

وارجو السموحه كان بالقول تقصير

في مدح شيخانن تحوش النفايل

والختم صلوا عد ماغرد الطير

على النبي وعداد بدع المثايل