كلمات اغنية عبيدة اهل السلوم متعب بن دخنه

عبيدة اهل السلوم كلمات

لو جار وجه الحياه اللي يجيب الكدر

ماطاح عزم السنافي من تجاريبها

يعيش رجل يكافح بالعزم والصبر

اشرف من اللي وراء العالم مكاسيبها

يالليل مامن طواريقك ياكود السهر

في حزة يرسل الهاجس مناديبها

ان كانت امن الغزل وان كانت امن الفخر

في الحالتين احمد الله من معازيبها

اصدوف بقعاء ماترهبني مضاريبها

يامشاري ابشر ودندن ياحزام الظفر

لاجلك ابوج الدورب العوج وسريبها

شرواك اعده من اخواني وكلي فخر

محبتك وسط قلبي وانت داريبها

ما قلتها من ضعافه جعلني للكسر

غير افخر امن علوم الطيب يحريبها

رباك عود مواقيفه تشوق النظر

عود مواقيفه امن المجد يرهيبها

حماوي دون ربعه مايهاب الخطر

ولا يهم الصعايب وش عواقيبها

يمينه ابمد جوده شايع طيبها

مجالسه للعرب مقر ماوالله ممر

يفداه ناس مجالسها ما ندريبها

يامرحبا بالضيوف اعداد وبل المطر

ترحيبة من ضمايرنا نغني بها

بسم ال مزبر وسم سنحان ارحب جهر

لضيوفنا اهل الوفاء نثني تراحيبها

على الدلال الصفر و العود الازرق يفر

وحفاوة تدهش العالم بساليبها

الضيف يالقاء القدر و يزل وسط الصدر

اضيوفنا نكرم الحاها و اشانيبها

يامرحبابك ياخو رثعاء طويل العمر

ترحيبة من سلوم العرف نحريبها

انخصك بكل خير ولا نخصك بشر

يامن تورد ضوامي الماء مشاريبها

يابو سعود المدايح فيك ماهي تفر

ياراعي الشيخه اللي مانقطع صيبها

من عهد جدانك الشيخه ماهي بالامر

شيخة شداد بحد السيف تنصيبها

قدام لا يصنعون الشرم و الموتمر

شيخة عبيده لبن شفلوت ندريبها

امناحي اسم مقامه فارق و معتبر

شيخ يعسف الصعايب لاعواء ذيبها

جاهك يفك الرقاب ويغني اهل الفقر

مواقف اربعوعك اتلبي مطاليبها

من دون ربعك تسوق العمر مالك عذر

وربعك صقور على الاعداء مخاليبها

عبيده اهل السلوم و ضربهم فالنحر

اتغيض الاعداء و تتنومس بصاحيبها

ركن اقحطان الدواهي كاسبين الفخر

روس الرجاجيل توفي في مواجيبها