كلمات اغنية غلا الاسعار شبل الدواسر

غلا الاسعار كلمات

ياللي تقول الليل ابو الاسرار

ماعاد يخفى سر صح النوم

الصبح لاصبح تسمع الاخبار

وتبان باطراف العلوم علوم

سمار ياسمار ياسمار

نسمع سوالفكم ولا انتم قوم

اللي يزيدون الحطب في النار

اما اربعه والا ثلاث رخوم

يدرجون الناقه ام حوار

ويعلفون البكره ام الزوم

سنامها مثل جبل سنجار

اللي يشوفونه من الفيوم

من الرجال اللي وفاهم دوم

قصة جحا والبيت والمسمار

طبق الاصل من قصة المظيوم

نفس الفكر لاكن بدون جدار

بطنه حمر من رابطة دت كوم

يشوف نفسه عمر المختار

منزه وعن الخطاء معصوم

طالع من الدنيا بصك اعسار

وبشت وسيع وغارب موسوم

ثقيل طينه لا نوى مشوار

٣ سلندر يدوب يقوم

فالت دركسونه على دوار

غابت عليه الشمس فيه يحوم

خبل يعيش بحالة استنفار

ظالم وعايش دور انا المظلوم

خفو علينا المدح له معيار

يامكثرين المدح في المرحوم

ما يشتري مغير بس يسوم

سمسار يسولف على سمسار

سوالف مااااني بها ملزوم

تزاحمت في راسي الافكار

يا راسي الطيب عداك اللوم

اما حظور يلفت الانظار

والا غياب مقدر ومحشوم

الشعر اعده مثل الابن البار

سيفن شطير وعيلمن معلوم

ليا مدحت امدح طوال اشبار

اللي فعايلهم ما تبغا زوم

يشوفها اللي مايلف يسار

مفهوم والا ماهو بمفهوم

مدح الكفو يطرب له الشعار

مثل مايطرب للقاء محروم

ترثة ذوي شداد ما يحتار

اهل القنا والخنجر المسموم

يا عايض ابن عيد تم وصار

في ما قفي تريح ومخدوم

وفاك باين ما عليه غبار

وطيبك وذكرك منكره مليوم

الطيب وهبة واحد جبار

والطيب اللي بالسعد مقدوم

من طيب راس معزب الخطار

ادمن كثر خيرك عساك تدوم

من كثر ما يستقبل الزوار

يمكن ينافس مركز الباروم

من يوم يصحى ولع الانوار

وفلان معزوم او ماهو معزوم

سبب بسكينه غلا الاسعار

يدعون له اهل الحلال عموم

حنا معبد من ركون الدار

اهل مواقف شامخه وسلوم

نختار من قحص المهار مهار

وليا اعتلا صبينا شغموم

الواحد يعادل لـ ١٠ انفار

والعشره ترد البرا عن قوم

من دون ربعي حرب دمي حار

ماني بسيفن باللقاء مثلوم

حرب الدول ريف الخوي والجار

نحما الدخيل ونعتق المحكوم

حرب الدول اهل الكرم والكار

حرب الدول محاربين الروم