كلمات اغنية فخ ونوس

فخ كلمات

شباك الأمل كان مفتوح زمان واتقفل

عيشت أستحمل قرص النحل وسابلي السم جوا العسل

كل شيء في بدايته حلو كل سعي نهايته فشل

سابني يابا ناس بالهبل كل اللي أنا حبيته اتدفن

وعلى يدي أنا عيشت عشاني ومني بجري

كان السيف عشان احميني ليه وإزاي قتلت نفسي

بكيفي خاني دراعي ولا سيفي

أنا غلطان إني اتساهلت لحد ما ضيفي قاسمني في بيتي

لا يوجد إنسان في الشدة أديله رنة يجيلي جري

على رصيف الحب قاعد قالوا القطر ده مش جي

كان نفسك تاخد شهادة كانت هتفرق ايه ياخي

هل كونك دكتور هيعمل فرق أو هيبقى الحل

اسف ع الواقع ده بس الدنيا مبترحمش حد

إنساها أحلامك أو البت إياها

وإياك تحب حاجة لو محفظتك مش مليانة

النور ده فخ الأمل يسطى مش بينور

مفيش حلول بلاش تدور

سيب اللي يمشي في داهية والسكة اللي تغور

مش عارف أضحك حتى لو عشان بتصور

واحشني يابا صوت زعيقك خوف عليا

بغلط عند عشان أشوفني فارق ليك ولو شوية

أنا أنا أبانلك طايش لكن في الحقيقة العكس

عمري في يوم ما اختارت السهل روحي كل ثانية في هرس

مسخ بيعيش ع المنوم شايف المسكن كنز

خلق بعدك شر فيا أو أنا الشر شخصيا

كان نفسي أشوفني في عينك حلو قبل أما أفقع عينيا

ونوس هو اللي طبطب لما قلبي إتخرط

أوقات أبص لإيدي أحس الحل مشرط

ياما عقلي قاللي الضربة جاية م اللي أقربلك

بقى بتعايريني يا ب اللي قولته وأنا بفضفض

قاسية نفسي أنساني زي ما ناسية

مفيش إنسان فارقني غير وحياته ماشية

عاندت قصاد الدنيا كنت واخدها عافية

حاليا عاجز حياتي مش مظبوطة في أي ناحية

النور ده فخ الأمل يسطى مش بينور

مفيش حلول بلاش تدور

سيب اللي يمشي في داهية والسكة اللي تغور

مش عارف أضحك حتى لو عشان بتصور