كلمات اغنية فواتير العتاب مروان موسى

فواتير العتاب كلمات

تنسي ساعات

وبتفتكر ساعات

بس بتيجي ليالي وتدقلك ع الباب

وتوصلك حساب

فواتير العتاب

مش بتبص في الماضي

كنت تموت وتنساه

شفت الغالي بيتألم قدام عنيا كنت احكيله احلامي

دايما كاتم الحزن في اعماق الصدر عشان افضل متوازن

كنت احاول اخفف عنه واسرق منه الضحكة لما يعاني

ما العمر مسروق

والبدن مسموم

والعقل متكتف

القلب مسجون

معلش الظروف

خلتني عجوز

في نص الطريق

انا الشخص المتلوف

دنيا ضحكت عليا خلتني اشتري من وكالة ابليس

اشتريت منه كل حاجة في المحل بالسعر الرخيص

بس شاطر الشيطان واللي اكتشفته بعد ما مرت سنين

انه خد مني كل حاجة كانت حلوة في حياتي بالتدريج

وانا كنت شباب ماعرفش الصح م الغلط م الاكاذيب

فجأة اترمت آمالي في النار وخلص عليها المصير

الصحة صبحت عدم شوفت شريط حياتي بيتعاد بالبطيء

ما انا مجرد انسان

عنده شوية احلام

واختفائي م الكون

استحالة هيبان

الدنيا اختبار

والصبر امتحان

بعد الريح والاعصار

اللي اتكسر هيبان

الخواطر السم مع كل السواد دا هضمته وبلعته

دا انا حتي قلبت الصفحة والكتاب عايز اعيش في اللي بعده

ما عدا المشهد اللي فضل يزورني لحد ما منعته

لما شوفته قدام عنيا بيتعذب وماعرفتش اساعده

عمري ما حسيت بقيمة اللي في اديا ف بندم في الاخر

يا ريتني فهمتها بأي شكل تاني غير انه يتاخد

الروح اللي كانت بتتألم في الدنيا في الآخرة ارتاحت

ندمان ع الوقت اللي ماقضيناهوش بعد ما الساعة ساحت