كلمات اغنية في داهية اي حد محمد سعيد

في داهية اي حد كلمات

معرفتكوا خسرتنا جت علينا بالخراب

عينيكوا راشقه وفي حياتنا سببت لينا اكتئاب

مركزين دايماً معانا نفسكوا مانشوفش خير

تستاهلوا اوسكار في الخيانة ياخلق معدومه الضمير

في داهية اي حد عايز يبيع

من غيركوا انا هكمل عمري ماهضيع

بابي يفوت جمل ياشلة مقاطيع

خلوني ساكت بدل ما افضحكم واذيع

كبرتكوا وعليتكوا وانتوا النقص فيكوا

لو ناسيين افكركوا معايا ماضيكوا

تستاهلوا حد شبهكوا وانا خساره فيكوا

خليكوا في الرخيص انا غالي عليكوا

بكره هرجع اخوكوا وحبيبكوا

بكره تتمنوا اكلمكوا وهندمكوا على بعادي

بكره هتتمنوا تسلموا

بكره في غيابي تتألموا

بكره هتناموا وتحلموا تشوفوني وتبقوا قصادي

الشده عرفتني مين عدوي ومين حبيبي

الدنيا فهمتني ان طيبتي هي عيبي

بطلع جدع تملي كله عينه على جيبي

علطول مخدوع انا في حظي ونصيبي

ملعون ابو الكاشات اللي غيرتكوا

عاملين فيها ببات الله يرحم زمانكوا

كل اللي فات ده مات خلصت بيني وبينكوا

اللي بينا انتهى الله ينور طريقكوا

احنا عنينا مليانه ملناش في الخيانه

رجاله ولاد اصول جدعان قد الامانه

ندي للكل عيونا بكيفنا وبهوانا

بكره المصلحه هتجيبكوا

بكره هرجع اخوكوا وحبيبكوا

بكره تتمنوا اكلمكوا وهندمكوا على بعادي

بكره هتتمنوا تسلموا

بكره في غيابي تتألموا

بكره هتناموا وتحلموا تشوفوني وتبقوا قصادي

معلومات الاغنية

كلمات والحان: بودة

توزيع: خليل وشندي

صولو: علاء محفوظ

ناي: هابي

تصميم الفيديو: زيزو