كلمات اغنية في راسي ونوس

في راسي كلمات

ابدأ منين و بـ انهي عين

كان لازم تنساني طبعا و انا لا املك دبلتين

بيني و بينك تستنى ليه

و انا بعد السنين دي حتى مخدتش خطوة في اي شيء

بعد الفراق بيومين نستني

شافت شغل صحاب جديدة شافت راجل مش بيشكي

شافت راجل جيبه مملي

و عيني شايفه الدنيا بامبي شافت فيه اللي مكانش عندي

و اتبدلت لا مش مطفي انا اتحرقت

انا منسيتش بواحدة غيرها ولا بالشرب ولا بالوقت

عشان مشافتش معايا سبت عشان شافت معاه الفرق

نسيت وعودها لكن فاكره لون عينيه

نسيت عشانها كنت انا بحارب ايه

اسئلة كتير اخرها ليه

كان احسن مني في كل شيء

ـ

كان كل ده بيدور في راسي

لكن قولت لأ دي غيرهم مش هتحصل المرة دي

و انا كل ده بكدب نفسي

كان باين اسمه في عينيها و انا بسكت و اكتم في قلبي

كان كل ده بيدور في بالي

و انا بقول لأ مستحيل ده بينا عمر مش ليالي

و انا كل ده بكدب قلبي

لما حس في يوم و قاللي ان انتي مش مبسوطة جانبي

ـ

و بشوف شريط حياتي بيعدي في ثواني

مش اول مرة اتساب عشان في حد تاني

بس المرة دي تحديدا انا بعاني

كونك بتعيد الغلطة بيخليك تفكر

ان انت غبي و مش عارف تميز اصلا

لسه الخنجر في ضهرك و تقولك مش قاصدة

و عايز تصدق لا سامحني الموت كان افضل

و يكون اهون ان شا الله تفضل ليل نهار متبهدل

احسن من انك تكمل او تحس انك مغفل

او تشك في كل لحظة و تجيب الشريط مالأول

تربط التفاصيل ببعض و تلاقي السيناريو اتحول

و تلاقي كل حاجة كانت كدب خام

ازاي انا هونت او ازاي عرفت تنام

معقول كل اللي انا عيشته كان وهم في خيالي

معقول يحاربني الشخص اللي انا شوفته السلام

ـ

كان كل ده بيدور في راسي

لكن قولت لأ دي غيرهم مش هتحصل المرة دي

و انا كل ده بكدب نفسي

كان باين اسمه في عينيها و انا بسكت و اكتم في قلبي

كان كل ده بيدور في بالي

و انا بقول لأ مستحيل ده بينا عمر مش ليالي

و انا كل ده بكدب قلبي

لما حس في يوم و قاللي ان انتي مش مبسوطة جانبي