كلمات اغنية كبار الاشدة جزاع المري

كبار الاشدة كلمات

ياليل سدولك يذعن الها الظلام اذعان

تهادت بك الاصوات وانفضوا البده

ماباقي بك الا ضيق صدر وشريط احزان

اوشيطان شعر يشعب الفكر له مده

يالولاك ياليل السهر ف اكثر الاحيان

ماجاء للقصيد ابداع وافكار معتده

جمايلك في الشعار ما تقبل النكران

على كل مبدع لك جميل وصل حده

على اللي تبرهج سامع الشعر وتشده

وش يردني لا ارد على نادر القيفان

لا سامرت ليلن مثل خد الردي خده

كنوز الملك كسرى وما يملك النعمان

تشكل مع الابداع في شكل مسوده

والالماس والياقوت والدر والمرجان

حصيلي بعد ماعمت غبة بحر جدة

يا فواز مالي عذر في الواجب اليا حان

انا العذر ف وجيه المواجيب ما اعده

توصي على الترحيب في المحفل الرنان

واقول اجهر الترحيب بالصوت ونرده

وعن موقفك يالقرم مانطري الصده

هلا مرحبا باسم اطول ذراع واعظم شان

ذخاير دهاة الفعل وكبار الاشدة

هذا الشيخ ابو صنات عوق الحشو والضان

هذا جدي اليا عد كل ابلجن جده

مقر المدايح مدهل الروس والشيخان

كبير المقام السامي اللي محد قده

ذرانا ومنصانا ليا صكت البيبان

بعد عون ربي يحتمي كل منلده

والى من رجعنا للكرم عادة شحيمان

هذا طرقين عشه هذا عبرين غده

واعيد اجزل الترحيب من خاطر طربان

باسم سيفنا اللي في اللقى ينعرف حده

يابو فارس انت السيف ومرجح الميزان

لاجاك اللزوم الكايد تقوم وتسده

نقدرك تقدير ابن يوسف لابن مروان

ونمدحك يوم المدح في الطيب نعده

ابو خاطر مليان في المجلس المليان

لاجاك متعومس قلت بد الخبر بده

لو ان حمله اكبر من طويق وجبل رضوان

يجيه النجم من عالي الكون ويهده

من يشوف بذل يديك من دافع الاحسان

يقول الفروض الخمس سادسهن المده

عوايدك تقضي حاجة الناس بالكتمان

شعور السرور لفاقده جودك يرده

ظروف الليالي لا عمدتني على الذرعان

وقام الزمان يشن هجمات مرتده

زبنتك وعندك للمصايب ذرا وكنان

تصير الثقال خفاف والزهر له نده

هذا ديدنك وعيالك حزام لي واخوان

عيال تحوز الطيب بالعزم والكده

سلامي على الدكتور فارس عدد ماكان

وعدد ماوقف في حزة الضيق والشده

كريم الجناب النادر الطيب بليهان

احطه على يمناي والكايد اضده

ياطيب المجاذب والفخر من على الجدان

والافعال معروفه والامجاد ممتده

ذخاير خليفة كل ابوهم وساع بطان

خوالي حزام لا احتمى الماقف اشده

اقوله واعم المدح في ربعي العضيان

هل الموقف المشهود في حزة الضده

مضاريبهم تضمن عشى الطير ابو جنحان

لابد العدو يلقى اعنف الضرب لابده

هل الراي واهل الفعل في ساحة الميدان

وحق الفخر محفوظ للي حفظ حده