كلمات اغنية كل حاجة وقفت ونوس

كل حاجة وقفت كلمات

كل حاجة وقفت

انا عارف ان العيب كان مني

ما انا ياما راميت الشيلة و انتي ياما شيلتي

انا كنت برفص كل نعمة تجيلي برجلي

و يوم ما اختارت اسيب اختارت اسيبك انتي

كانت اغبى فكرة العقل جابها

شيلت الاجابة الصح و حطيت الغلط مكانها

حرفيا كنت بهد اللي بتبنيه مكنتش بسعى

و مكنش يهون عليها تقولي كلمة تخاف انا ازعل

كانت بتقول اهم حاجة تكون انسان جديد

سامحتني لما خونت و كانت بتعدي حجات كتير

و انا اول اما اتعصب كنت اعايرها بـ كل شيء

و انا انا على فكرة مش زعلان

بالعكس انا فرحان عشان بقيت شايفك مبسوطة

معايا او مع غيري المهم انك تمام

انا لسه بكدب برده سيبك مني افتحي النوتة

مش طايق ارجع بيتي و الشوارع فيها ريحتك

مبقتش امسك موبايلي عشان مش لاقي رسالة منك

بطلت اقول تعبان بقيت بقول تمام و خلصت

انا حاسس كل حاجة ناقصه كل حاجة وقفت

انا اللي حمار عشان ضمنت وجودك فـ استقويت

انا كنت فاكر اني اغيب و ارجعلك وقت ما ارجع

انا اللي غلط عشان قسيت غلط عشان مشيت

غلط عشان وقت اما غلطتي كنت رافض اسمع

انا كنت رافض اهدى انا كنت فعلا اهبل

انا كنت فاكر ان الماضي مش زي المستقبل

انا كنت رافض اقبل اتنازل او نكمل

و قولت كلام يوميها لا هيتنسي ولا هيتعدل

انا مش جايلي عين اقول سامحيني حتى

لكن اعتبريني كنت درس قاسي حبة

و فهمتي منه ان محدش كان يستاهل

تتعبي عشانه و ان نفسك كانت اولى

مبروك عليكي شريك حياتك الجديد

و نصيحة مني اوعي تكوني بتنسي بيه

و بلاش تردي اللي انا عملته فيكي فيه

عشان مش ذنبه انك قابلتي انسان مريض