كلمات اغنية لا تمشون محمد فريدون

لا تمشون كلمات

لا تمشون و افـراگ الوطن غالي

لا تمشون مكاني ابهالسفر خالي

طريق الموت خذاكم خذاكم

مـتـت مـرتين وراكـم وراكـم

ــــــــــــــــــــــــــــــــــــــــــــــــــــــــــــــــــ

عليله او روحي تركض

گـلـب بـالـگـوه ينبض

دواي انتوا عجب رحـتـوا ولا فكرتوا بـيـه

مشيتوا عـن بـلـدكـم

او نسيتوا طفله عدكم

وين عفتوني حزينه

من عگب الظعينه شيظل بالمدينه

وين ما أعتب عليكم

لو بيدي أجيكم و اشفي العله بيكم

صار الليل و آنه او لا حضن لمني

صار الليل مـن الـلـمـه يـحـرمني

بـديـت احـتـاج ضواكم ضواكم

و اصيح ابصوت وراكـم وراكـم

الظعن سار ابـذلوله

او متت بالموته الاوله

صحت بويه وره اعيونك منو ايداري عليله

و لو خدامه أقبل

أحط افراشكم و اسهر بدل عمتي العقيله

كون ما أمشي ابسفركم

عالنار انتظركم و اشتاگ العطركم

كون ماكو احسين چفه

بيش اعيوني تغفه بيه الحضنه لهفه

يهل الخير راح الـخـيـر ويـاكـم

يهل الخير يسوه الدنيه ملگاكم

يــرد الــروح هواكم هواكم

حلال الموت وراكـم وراكـم

هلي يهل المحنه

عطفكم ماكو منه

تدوس اعله الگلب چنها هلي النوگ الخذتكم

تعالوا او ريحوا گلبي

بعد ما اشوف دربي

تـره يعمه نـظـر عيني إذا مـا بي شفتكم

آه مشتاگات اديـه

الچف سكنه او رقيه مـا ردن عليه

آه للأكبر لهفتي

صوته ايداوي علتي أسمعه ايگلي يختي

شوگي ايصيح ياعبدالله كـل ليله

شوگي ايصيح كون اگعد و الوليله

هلي اتسمعون عساكم عساكم

صحت مـرات وراكـم وراكـم

او لگيت الموت ثاني

امن ابن حذلم إجاني

بعد ياأهل يثرب لا مقام الكم سمعته

وليكم شفت ذبـحـه

صعد راسه اعله رمحه

الحوافر تطحن اضلوعه او تعاين زينب اخته

صوت مرعوبه سمعته

گال احسين شفته من گطعوا رگبته

صوت و ايهز المشاعر

حضن احسين صاير ملعب للحوافر

گالوا مات كون الموت اخذ روحي

گالوا مات او مـا يرجعلي مذبوحي

هلي مـا اريـد جفاكم جفاكم

أعيش اشلون وراكـم وراكـم

هلي ما هكذا الظن

بعدكم أبقه عدمن

تره الطفله بلا والد تضيع امن المآسي

كتبت الكم رسايل

و لا رد ليه واصـل

زغيره او من وره الفرگه طلع شيب اعله راسي

ليش و الموت الخذاكم

يحرمني لقاكم مشتاگه الهواكم

ليش رديتوا الوطنكم

بس نسوه ابظعنكم راح احسين منكم

يم الباب سبع اشهور اتانيكم

يم الباب گمت اكتب أساميكم

رحلتوا ابساع شجاكم شجاكم

و انه ابيا حال وراكـم وراكـم