كلمات اغنية مالت عمرو سايكو

مالت كلمات

لا سلام ولا كلام فا بالتراكات كلمات اقولهالك

مش موضوع انا منسيتكيش بقالى 9 سنين بتعالج

على حطة ايدك انا لسه فى مكانى ان خدتى بالك

عشمان عيونك الحلوين تسند حياتى مالت

ضليت طريق انا فى غريق وحياتى فاضية

بقالى 9 سنين بحاول اعيش والدنيا مش راضية

لقيت كتير فى طريقى بس ليكى انا ملقيتش زى

قابلت ناس سقونى المر كلونى حى

لا دموع هتسقى ارض زمان وتطرحلى الى جى

ولا منى طولت الموت ولا منى بعدك انا فضلت حى

عايشة ازاى ما تقولى الوصفة

يمكن اضحك زيك فى استوريهات واسامح الايام واصفى

يمكن يزورنى النوم بسهولة وانا بعد لعشرة

ساعات هتضحى بقلبك لاجل يعيش بعضك

بس انتى فلتتى ايدى فى دنيا كانت صعبة

الدنيا بتحركنى فى بعدك عسكرى الشطرنج

بضحك للناس مع انى منها ياما شبعت ضرب

حلمى فوق فى السما السابعة و انا ثابت على الارض

ولا حلم صاب ايدى فى تراب ولا مرة اخترت

مع انى تقيل فى الحب لكن شوف حكمة ربك

هى تعيش وانا التسع سنين ع الباب بقول هتخبط

الدنيا تخبط والايام تتخبط هى لا

عشت اربع سنين متعصلج عشت خمس سنين بالزق

العمر بيجرى والعناد ازاى سرقنا بقينا فى كارثة

زى امبارح انا كتبت بلاش فراقنا عشان مش هنسى

عشان موج الفراق كان عالى وانا مش هرسى

كتبت كلام تحسوا الناس انتى الى بس مكنتيش حاسة

افتكرى محدش حبك زى عمرو و حننى

بيعتى ببلاش وكأن القصة كات قصة يومين

ركبتى دماغك فى طريق العناد و وصلنا فين

لو كانت م الغريب مكنتش استعيب اقول ارجوك

كنتيلى عنايتى وكنت ارضى التعب ولا يتكتبلى خروج

ازاى بعد السنين اكون حبيب متروك

بقى يوم ما اشوفك فى الفستان ترضيلى انى اجى اقول مبروك