كلمات اغنية مجرور حرب المعجزات شبل سفيان

مجرور حرب المعجزات كلمات

من هاجس الشاعر اللي لابدا يبدا بجزل الكلام

ايغوص في مفردات الشعر وينقي مزايينها

سلام من ربعنا اللي دورهم بجوار خير الانام

دورأ على الطيب والتر حيب والقانون بانينها

من وقتنا الاولي لليوم تزهو عام من بعد عام

برعاية اللي زمان النهب والمنهوب حامينها

لربوعنا اللي بشرق المملكه واللي بقبله وشام

العزوه اللي هل الحاجات ماتجهل عناوينها

وصلاه وحده عيله بعشر وتضاعف مثامينها

يطربني الفن والتقدير والتنسيق والانسجام

وعلوم تخفى على الخطار واهل الطول ناوينها

عمار يادار تحضى من كبار الربع بالاهتمام

وتشعشع انوارها وترفرف الاعلام في حينها

اديار حرب الدول ويقدم الفنجال فيها شمام

والعود الازرق يعج ودلة الرسلان مالينها

فن وحضاره وعلم وذوق والمضوع كله تمام

دارا لنا كسوته من كسوة الاجداد كاسينها

الفن كله لنا والمجد دونه كاربين الحزام

وعلومنا علوم عز وتبهج الحضار من زينها

ايسوس به ساسة العربان ويكتف مجانينها

واطاننا موطن آل سعود عزم وحزم دين ونضام

سلمان قايد مسيرتها ودين الهاشمي دينها

بسم الحروب ويقدمها كبير الربع قدر ومقام

شيخ القبيله وبيرقها وشيخ ويديه في يدينها

حربي وحرب العريقه فالجزيره حاملين الوسام

دون الوطن تدعس الاعدا وتاطى فوق خدينها

المعجزات الثلاث لحرب تملكها بقيد وخطام

رضي بها من رضي والا غصيبه عن معادينها

كل القبايل ونعم ومجدها ثابت وذروت سنام

المجد تستاهله والرايه البيضاء معلينها

تقبلوها من الحربي ويطلب عذركم ياكرام

مرعي رشيد الحسيني صاعدي ولحرب مهدينها

وصلاة ربي على الهادي محمد عد وبل الغمام

صلاه يوم العباد بضيق تنجي من مصلينها