كلمات اغنية مش راجع ونوس

مش راجع كلمات

ياما قولت الدنيا هتتعدل

دلوقتي انا ماشي و مش راجع

ياما قولت اتعب زود كمل

دلوقتي هجيبلك مـ الاخر

مش كل ما تتعب هتلاقي

مش هتطول حتى لو العادي

هتعيش طول عمرك بتحاول

و تلملم اخرك في بواقي

مش هتطول حاجة من الدنيا

هتدوس على حلمك و بـ رجلك

ان الأحلام دي مهيش ملكك

ابن البواب مبقاش ظابط

و ان بقى و ده صعب فـ ده اسوء له

في يومين هيلاقي الليلة باظت

علشان عاش في مكان مش شبهه

علشان ببساطة الدنيا دي

مش ماشية على هوانا و كيفنا

ترزعنا الكف ورا التاني

و كإن محدش فيها غيرنا

ما تحلي شوية و تنسينا

في الرزق بتيجي تبصيلنا

و ياريت بتقولي تقاسمينا

لأ عايزه اللقمة اللي في ايدينا

مش هقدر اصلا اطيق نفسي

احساس العجز هيقتلني

مش شايف حد انا في مرايتي

او يمكن بتهرب مني

مش قادر اواجه و اصارحني

مش قادر حتى انا اكلمني

ولا قادر ارد و اطمني

ـ

متخلف و ضعيف انا عاجز

انا اجبن من اي حواجز

انا فاشل اتخطى و لو مرة

انا مش موهوب انا مش دارس

ولا حيلتي شهادة ولا فلوس

من ثانوي و مباخدش دروس

بس اتعلمت اني اخربها

علشان كده كده كانت هتبوظ

علشان كده كده كانت خربانه

علشان مورثتش من بابا

علشان الحظ ماهوش ملكي

ولا حيلتي انا حق الحظاظة

علشان اللي في يوم حبيتها

و حلمت سنين اتجوزها

معرفتش البسها دبلة

علشان ممعيش في الحصالة

مفهمتش

كل اللي وصلتله كان بلش

او معنى ادق انا موصلتش

اشقا انا و الدنيا تيجي و تهبش

و نعيد

و ابدأ من اول و جديد

خايف استسلم و ابقى ضعيف

او يبقى ده كله على مفيش

يطلع ليه ده كله على اونطة

ازهري بدن بس في مالطة

ونوس او طاهر مش عارف

مليون شخصية و جايز اكتر

انا واقف بضحك و انا بخسر

كان ايه اللي في ايدي عشان اقرر

انا بزرع خير و ياريت بحصد

الأرض يا صاحبي بارت اصلا

ـ

و انا فين من كل ده مش عارف

او ايه اللي كسبته عشان اجازف

مطلبش مساعدة انا مش عايز

ارجع بعدين و انطق اسف

ييجي بكرة الناس تكسر عيني

مبقتش ببات الا في بيتي

لو ضاقت بيا الشارع ارحم

من اني اسند على ايد غيري

من اني احتاج لناس دية

بحكيلكوا مشاكلي الوهمية

ده لإن مشاكلي الأصلية

مش عايز اكتبها في اغنية

ولا عايز ايد تيجي و تطبطب

ولا عايز حضن يطمني

كل اللي انا عايزه ڤيزا و شنطة

مع شغلة فلوسها تأكلني