كلمات اغنية مش زي حد ونوس

مش زي حد كلمات

المقطع الأول

أنا كنت عارف مـ البداية إنك كارهني

علشان كده مرضيتش أتبت فيك و سيبتك

مكانتش مفجأة بنسبالي إنك هتمشي

كانت المفجأة بجد في اللي إتقال ليلتها

معرفش أنا ليه في عينك بالقذارة دي

بس اللي عرفته إن العيب كان في عينك إنت

بكره تشوف القساوة في حد روحك فيه

و يرد ليك الكره اللي إنت زرعته في إبنك

بس عشان ضيعت طفولتي بسمع ناس مش عايزه تسمع

أنا كان فعلا لازم أسيب و أنقي حاجات تنفعني

بس كان لازم أسيبك إنت عشان مكنتش بتشجعني

فاشل مكنتش يوم و مش هكون بالوصف ده

كنت بعدي معاك الصعب ليه بتسيبني وقت السهل

عيشت ببلع ليكوا الزلط ليه مبتنسوليش الغلط

كنت بشوف الحلو فيكم مهما كنتوا زي القرف

اللازمة

وحدة أنا عيشت بسمع كلمة إحنا

لكن عمري ما كنت منهم كنت في حتة و هما في حتة

أنا بسكت و دي مش قوة ده دموعي نزلت جوا

أنا لا عرفت أعيش طفولتي ولا هحس إحساس أبوه

دايرة كل ما أحب تطلع خاينه

كله عدى لكن عليا كانت هي ساعتها نايمه

راحة البال ماكانتش تجيلها غير لما بتحزن عينيا

المقطع التاني

فاقت لاقيتني مشيت بطلت أبقى العبيط

أنا بطلت أسامح و أنسى عشان دي حاجات متتنسيش

لا بكاسين ولا بحشيش حتى الوقت مكنش حل

بكره تشوفي في كل راجل إن أنا مش زي حد

كنت كارهني عشان بشوفني بعينك فـ كتر خيرك

مش زعلان لو شوفتي غيري ما أنا برده معايا غيرك

بس الفرق كان هو معاكي بس عشان مش لاقي

هي معايا علشان عرفت إني راجل غير الباقي

الفرق باين الغلط مني قدرت البهايم

بعدي كان إنقاذ لنفسي عمري ما كنت في لحظة خاين

شيلت ياما و حقي أريح بس إنت قولت نخ

روحت تشوف الفرصة في غيري بس الفرصة دي كانت فخ

حقك كداب و عارف إنك نسخة من اللي قبلك

انا بغلط عشان غلطان و إنت غلط عشان ده حقك

لأ أنا مش هسمحلك تاني إنك توهم دماغي

و مش هسامح و أقول عادي حتى لو اللي حصل عادي

اللازمة

وحدة أنا عيشت بسمع كلمة إحنا

لكن عمري ما كنت منهم كنت في حتة و هما في حتة

أنا بسكت و دي مش قوة ده دموعي نزلت جوا

أنا لا عرفت أعيش طفولتي ولا هحس إحساس أبوه

دايرة كل ما أحب تطلع خاينه

و أنا حاولت أديها فرصة لكن هي مكانتش عايزه

كله عدى لكن عليا كانت هي ساعتها نايمه

راحة البال ماكانتش تجيلها غير لما بتحزن عينيا