كلمات اغنية مطار مروان موسى

مطار كلمات

هدّيك سببين، الدنيا غريبة والغيرة في العين

24 سنة صراحة مش عارف تيّارها واخدني ورايحين على فين

بحب الهزار بس حاسب النار

عيلتي من البلد وبناخد التار

وقت المعركة مش بادّي إنذار

لازم قرار، حاسس ان انا في مطار

وصلت متأخر مش لاقي تذاكر

الناحية دي مسافر

والناحية دي مهاجر

بس م الآخر، اللي في رجولتي وأصولي دا نادر

وفي زمن السوشال، عبادة اللايك، بتخلي المحترم كداب ومنافق

يمكن دي غلطة

شوف الأغاني اللي ضاربة

لا المجال مش في ورطة

طبيعي الغلابة بتدوس على بعض عشان يبقوا في يوم م الايام العمالقة

ماحبش اشتكي

بحب ابقى واضح مع نفسي وادوّر والاقي غلطتي

ف عرفت سكتي

هنا في دايرتي، أفكارنا في الجون وكلامنا منطقي

شوفت حب، كره، خيانة، غدر

الكلام رخيص والكدب سهل

بقيتوا ازاي أعداء ما كنتوا الأهل

بقيّم الشخصية مش الشكل

بمناسبة الشكل

إنك تقل مني صعب

هتلاقي نفسك اتسرعت

حتلاقي الضرب ورا بعض

حقي بيتسابش والشخص اللي بييجي في سكتي بفضاله

لو مش وصلاله ف معايا الكتيبة هانسمم البيرة ونسرب اسراره

في الماضي فوّتّ في مواقف كتير واتخدعت

واتعلمت فيما بعد

ان في اللي بيهرج، لو جت على حسابي هتغابى والذكرى هديها بالكعب

ننسى اللي حصل، لما ينزل المطر

وعد كان بيننا واتكسر

بنثق في كلاب، وبنخوّن البشر.. شوفت سخرية القدر؟

بتعلم احط للناس في التعامل حدود

الدنية ارانب واسود

في اللي هيحبك لله بالمجاني، في اللي بيخُون مهما كان المجهود

ممتن لمواقف خلتني ابقى راجل،

قدامي اختيار، ربما يكون خاطئ

مش هقعد اماطل

الدنيا بتتغير فلازم هنخاطر

هنجازف ونفوز مش هنعيش من سكات

مش بتتشاف ورا شيش وشباك

بفهم في الفن وبتكلم لغات

فعلا فيش وقت للتأملات

ولا البكاء

الناس دي بتتباهى بالبخل

في حاجة من الشغل

رايح البلد، راجع م البلد، كل اسبوع عمري ما دوخت

عمري ما كنت أي حاجة غير أسطورة

برة المزيكا أسطورة

الناس دي مجرد مشهورة

في الحقيقة غير الصورة

جوايا وجع مش هاينفع يتحكي في اغنية حزينة

خواطر مؤلمة، نفسية تعبانة، عيون مزغللة والنية سليمة

عاملينلي اجانب

وبيكرهوا نفسهم... ارجعوا لاصلكوا الثقافة دي اتهانت