كلمات اغنية مفيش فرق ونوس

مفيش فرق كلمات

مش عايز احكي و ده بسبب

ان اللي انا بحكيله دايما قال خلاص زهق و اتخنق

انا مش هرجع يوم كويس كاتم اضعاف اللي اتكتب

كنت هحكي لو كان سأل كنت هحكي لو كان فرق

و انا امنت بيك انت اللي خونت

بقى كل ده و مهونتش فعلا امال لو هونت

كنت هتعمل ايه ازيد من انك كنت سايبني اشك

كنت اسأل تسكت و الك و اسأل تاني مش بترد

قوللي ليه سايبني لوحدي بين نارين

جيت اشكيلك اني خايف قولت تحرقني بإيديك

ليه خلتني أوصل لنقطة اني اسأل كان عقلي فين

قوللي ليه انا كنت فاكر اني غيرهم

و ان لما تضيق عليك تحكي ليا مش تحكيلهم

كنت فاكر اني قريب و طلعت ابعد من اللي كارههم

كنت بتشتكيلي منهم دلوقتي بتشوفني منهم

ـ

انا زي غيري مفيش فرق

انا يمكن اوحش يمكن مستاهلش اتحب

كل اللي في قلبي حرق مش هتلاقي حد

من برا و جوا مسخ دلني عـ الحل

انا زي غيري مفيش فرق

انا يمكن اوحش يمكن مستاهلش اتحب

انا و انت بنكدب بس الفرق اني اتصدقت

انا اخر حد ممكن يوم يقول الحق

ـ

لا طلعت مسامح ولا ناسيلي ولا عديت

دلوقتي شوفت ان انا شيطان مش كنت قولت

ان انت مصدق اني توبت بتفتح في الماضي ليه

قوللي ان انت مش مصدق توبتي

و انك شايف اني بمثل بس عشان اجمل صورتي

و ان الحب مجاش مـ القرب ايه اللي يجيبوا طب مـ الغرب

لو كارهني ما كنت قولت ايه اللي معيشك في حضني

قوللي ليه خلتني اصدق اني نضفت

و انك برده مبسوط بيا بـ رغم كوني تحت الصفر

كنت بقول هانت وصلت بيني و بين الحلم شبر

كاتم همي لوحدي شيلت لكن برده طلعت حمل

قوللي ليه بغرق و لسه فيا الكبر

رافض اطلب المساعدة حتى لو هينزل تتر

رافض اقبل اني وقعت قولت خلاص تمام وقفت

علشان خوفت اطلب مساعدة الاقي الكل اداني رجل

ـ

انا زي غيري مفيش فرق

انا يمكن اوحش يمكن مستاهلش اتحب

كل اللي في قلبي حرق مش هتلاقي حد

من برا و جوا مسخ دلني عـ الحل

انا زي غيري مفيش فرق

انا يمكن اوحش يمكن مستاهلش اتحب

انا و انت بنكدب بس الفرق اني اتصدقت

انا اخر حد ممكن يوم يقول الحق