كلمات اغنية ممنوع الملام الملا محمد فريدون

ممنوع الملام كلمات

ممنوع المَلام

مسموح الهَيام

في حبِّ الإمام

جنني الحسين

(١)

حكَّمِت عگلي وتمرد وگال مجنونك بَلي

منته أبعد من محيطه يا حبيبي الأزلي

العگل مخلوگ لجلك عگلي مو مخلوگ الي

وحگي لو تهت بجنوني في الحسين بن علي

مجنونه العقول .. صايبها الذهول

بس تحچي وتگول .. جنني الحسين

(٢)

في حبيبي شلون أحدد منطقية هالعشق

والله من نوره بَرَا له واخفه سِرَّه عالخلق

بالعقل ، بالمنطق وبالفلسفة وشگد فرق

بس جنوني ويّه گلبي ابمنطقيه متفق

تفكيرك سراب .. آراءك ضباب

بس هذا الجواب .. جنني الحسين

(٣)

بالعلِم ما ظن تفسِّر لو تحل المسأله

ما وراء الغيب خافي وانته علمك يجهله

شلون سبعين وتلاگن بالألوف بكربله

قسِّم الأعداد واحسب چم عددهم حاصله

مو منطق أبد .. لن رايك فنَد

بناتج هالعدد .. جننني الحسين

(٤)

انته ما تقبل جنوني وآنه ما أقبل ملام

يعني ما بيني وبينك منگطع حبل الكلام

انته خلك ويّه عگلك وآنه خلني اويا الإمام

وإذا خاطبني الجاهِلُ بس ردي "سلام"

عاشر للجزع .. كل صوت انگطع

بس صوتي ارتفع .. جنني الحسين

(٥)

آنه غذاني حبيب ابن مظاهر غيرته

وبقلم "مُلا عطيه" أقرا نخوة زوجته:

(يا حبيب ابن البتوله لا تخلّي نصرتهابْكربلا ايگولون ظل محصور بَهله واخوته)

تلطم بالنحيب .. انهض يا حبيب

وانصر هالغريب .. جنني الحسين

(٦)

بس وصف "مُلا عطيه الجمري" في جيته حله:

(ما حلى ذيچ الشّمايل يوم طب الكربلا

وطلع عبّاس البطل بَولاد اخوه يستقبله

مرحبا ايگلّه الشّهيد او زينب اتگلّه هلا)

احله امن الكلام .. من زينب سلام

بترحيب الإمام .. جنني الحسين