كلمات اغنية من ذاق باس عجيم دور للسلام سعد الطويل

من ذاق باس عجيم دور للسلام كلمات

من ذاق باس عجيم دور للسلام ???? | افراح ال فردوس | اداء سعد الطويل

يا عين والله ما تذوقين المنام

دام القريحه فيه طرقٍ تطرقه

اما تجيب اللي يعديني الملام

ولا بلاش من القصيد ومنطقه

واللي يجي من تحت شفي والمرام

خليته لبعض الشواعير صدقه

لي من بيوت الشعر عام وزود عام

لا من بدا اللازم و شديت الحزام

ما والله اذخر دون ربعي بفشقه

يا شرد القيفان هيا والهمام

نبغي عقب غيبه نجي بمعلقه

شاعر ولي مبدا على مر الدوام

ماني بحب العالم المتسلقه

لا من مدحت امدح على حسب النظام

اللي فعوله مثل شمسن مشرقه

مدح الكفو كنه على صدري وسام

واشفق على ذكر المناعير شفقه

يا مرحبا عند ال فردوس الكرام

يا مرحبا وعداد ما غنى الحمام

يا سايق الفنجال لا ياقف سقه

فيصل يروم المجد من سن الفطام

كن المراجل عيطموسن تعشقه

هذاك ابو محمد كما السيف الحسام

يامن به الجاني و خصمه يفهقه

هذاك ابو محمد كما الحر القطام

نومس هداده من يمنيه تطلقه

من الكرم كفه مثل وبل الغمام

معنز الجدين محدن يلحقه

هذا ولد من نعتزي به فالزحام

انشهد اللي خالق الناس فرقه

محمد اللي ما يوفيه الكلام

فعوله ف حد الجنوب موثقه

من ربعي اللي ما تعرف الانهزام

لا من زما العايل علينا نصفقه

حنا هل البيرق لا من ثار العسام

نقبل على الجمع العنيد ونسحقه

اليا اعتلينا الخيل و امات الخطام

ضديدنا تاتيه خله وشهقه

ربي خلقنا ما نهان ولا نظام

من طاوع بليسه علينا وهقه

جبنا قضى ضيدان في جنح الظلام

كم راس شيخن راح وسط المحرقه

غرنا عليهم ثم ذبحناهم قوام

واللي شرد منهم كسبنا بندقه

من ذاق باس عجيم دور للسلام

قولوا له ان ما عندنا غير محقة

من غرته نفسه لا يقرب حد يام

من دون حد رجال يام المشنقه

رفيقنا يقلط على فرخ السنام

و نشل حمله لو زمانه مرهقه

حنا ذرا المضيوم من عهد الإمام

من يزبن العجمان رفرف بيرقه

الحق يا الاجواد قصاص العظام

ما به علوم محرفه وملفقه