كلمات اغنية مهداه الى المهندس مالك عبدالله الهريسي البرازي

مهداه الى المهندس مالك عبدالله الهريسي كلمات

اسري ياليل القصايد

والشعر صايد وفايد

عادته ابا العوايد

مايجيب الا الجزيله

هاجسي حرا نداوي

يطرب القرم الحماوي

ويضحك ل وجه البلاوي

مايعرف المستحيله

كل ماجيت المنابر

يصدح بصوت الاكابر

ماقفه يرهب صهيله

شاعر ويفخر بربعه

والردى ماهو بطبعه

يومها قبعه وجبعه

ينطح القوم المهيله

احتمي ل عيال وايل

وافخر بشتى الوسايل

والله ان كل الجمايل

ماركه ب اسم القبيله

القصيده تغلبيه

والعزاوي وايليه

والتواريخ عنزيه

قبل وايل والجليله

وسط راسي الف جني

انا منك وانت مني

منبع الروس الاصيله

مالك القرم السنافي

تفتخر فيه القوافي

محزمن صامل ووافي

شوق نقاض الجديله

الهريسي صلب جدي

يعشق دروب التحدي

من يضده صار ضدي

اعتزيبه واعتزيله

باش مهندس منهو قده

مايبيح الوقت سده

خل ابوه وخل جده

مدهل شيوخ القبيله

يوم غرب عن بلاده

ناوي يحقق مراده

جالنا وجاب الشهاده

واسعد النفس العليله

لابته سقم المعادي

ب الرماح وبالهنادي

يومها وقت الطرادي

تفرق الخل وخليله

وايل العظمى الشهيره

منبع المجد وزئيره

ثبتو حكم الجزيره

بالمراهيف الصقيله

بنت الفكر تطرب ليا حان المجال

لو الوعد قدام والمخرج ملي

يشوش راسي صوت هدير الجمال

ماهو على صوت صفير البلبلي

اقدم على الصعبات وروم الطوال

واسابق الايام واسوق جملي

من دون ربعي انطح صدوف الليال

ويطيب وجه رضاي ويموت زعلي

على النقا والفال يقفاه العقال

خلك معي وبكل وعي فيما يلي

اليا مدحنا نمدح كرام السبال

واليا وقفنا ناقف للامر الجلي

مالك وريث اهل الظفر في كل حال

الوافيين النادرين الزحلي

متمركين مابين بين عم وبين خال

ولايقلط الا بالمكان الاولي

من لابتن يوم المداحم والقتال

تاريخهم بين القبايل معتلي

ويلان لاشان اللقى جانا هبال

ننطح سهوم الموت ونرخص ماغلي

صيت عنزه وامجادها مابها جدال

تقنع سطر راسي ولو زاد جهلي

ربعي ذرى راسي تزيل ولاتزال

اشاوس الموت الذحاح المرسلي

عيال وايل ل البشر مضرب مثال

من ديرة ارطغرل ليا هذيل وبلي

حنا جواب المجد لاطرح السؤال

يومنها صيت وطناخه وصملي

الفرس تعرف فعلنا بـ هاك الليال

من عال فينا ينذبح ذبحة طلي

اسم عنزه اثقل من كبار الجبال

في وسط نجد وبالعراق الاسفلي