كلمات اغنية مهرجان صاحبي صاحبي يا ابن قلبي مصطفى الدجوى

مهرجان صاحبي صاحبي يا ابن قلبي كلمات

مطروش يا وحوش

تربته معايا متجوش

مزجانجي اكشنجي

انا حوت اما انتو قروش

كذا مره بتتحطو معايا وانا قولتلكو متتحطوش

افرد وشك ليه مكرمشو

لو لسانك دلدل اكلبشو

متفكرش تطير في الهوا اصل اللي يطير قدامي بنتشو

انا لا بتاع چيم وعضلات

ولا ماشي بحراسه ولا جردات

يا باجحتك يا غلاستك

عارفك يلا مني بتكلك

فوق يا جاحد رقم واحد

عمره ميشغل باله بسعادتك

انت بتحرق جاز ع الفاضي وانا دايس بنزين مش شايفك

طب خمسه عليا من الحسد

عمر الديب ما هيسبق اسد

ياعم انا مكبرش لحد و بسد مهما يزيد العدد

شاب مصحح جسمي سليم ولا ليا في كيف ولا في حريم

انا مش باكل من دخلاتكو عشان شغل الدخلات ده قديم

يا ابو عمو يا ابو خالو

والنبي خدها ابعتهالو

روح قول الاصفر يسلك ويفوق حبه ويظبط حالو

مهو لو مش عارف يسترجل انا الرجوله هعرفهالو

يالي النسوان بتغفلك

وتفلس فيك وتقلبك

اول ما بترفع شبشبها انت تشوف رنتها بترعبك

ياض مش مكسوف من منظرك اعرف رجاله تقدرك

ده اللي يشيل في خشبتك اجدع من اي حريم هتصغرك

بت انتي خدي اقولك

مهما روحتي وجيتي مش هحلك

ليل نهار قاعد في الشارع عشان اكعبل فيكي وازاولك

بسكوتايه محشيه نوتيله من يوم ما شوفتك وانا بشتقلك

خدي يا غزال ده انا ليا الهوا

اه يا زلزال ده انا قلبي استوه

ازاي كل بنات القاره يتقارنو بيكي ده مفيش مستوي

مش معجب لأ جاي شاريكي

ده انا اخصم دوله لمعاليكي

لو تطلبي نجمه من السما يا عيوني الغالي هيرخص ليكي

عيب يا صحبي تبقا مني ومع غيري تتكلمي عني

اصل واصل وانت عاطل عشان كده يلا مش حاببني

لما بتسمع اسم الدجوى في قاعده بتمشي وتطلع تجري

اسمعي يا رخيصه بعرفك

ده انا على ايدي كنت منضفك

تتسيطي لما تجيبي اسمي ده انا كده كده اسمي يشرفك

من رجلى انتي متتقلعيش

لتفكري غيرك ده مفيش

بتحكيها في مين يا عبيطه

فوقي انا اصلا معرفكيش

صاحبي صاحبي يا ابن قلبي

انت نصي التاني وربي

اللي بينا مش قليل اوعا يا زميلي تبعد عني

انت اخويا وعم عيالي بعشقك وغلاوت امي

قلبنا علي بعض ومطاريش

برجوله وجدعنه بنعيش

مبيفرقش معانا ياعم بقلب نودي ومنجليش

يا ابو الاصول اسمك يعتمد

مليش غيرك وعليك بتسند

انت اللي انا ميزتك عنهم

اخوك في ضهرك يا عم البلد