كلمات اغنية مهرجان كلمتين في حقي احمد موزه

مهرجان كلمتين في حقي كلمات

غلطت ف حق نفسى كتير

وياما قليت منها

عاملت الناس انا بتقدير

منابنيش الا غدرها

ياقلبى سامحنى انا الغلطان

عشان مشيتها بالسلكان

تقديرى مع غيرى

اخرتو بتخان

كلمتين فى حقى

اه ظلمت نفسى

لما قولت عنهم

وبقول اخواتى رسمى

عيب عليكو يعنى

دنتو حتى منى

لما تيجى سيرتى

تقولو عنى

كلام ميتقالشى

متتأمنوش بربع جنيه

ياناس كل العبر فيكو

رجولة ايه وعشرة ايه

دا دور بايخ اوى عليكو

عملت معاكو فوق الصح

ورديتو المحبة جراح

بعتونى خونتونى

والكل سابنى وراح

اخرة المحبة

شيلونا اوبا

دا حرقة دم

بلاش بقا تستغبا

الاصول دى كلمه

عايزه خلق فاهمه

بس فى الزمان دا الاصول دى غلطة

وبيحسبوها تهمة

اه لما فجأة تنام تقوم

تفوق تلاقيك واحد تانى

مين المجهول مين المعلوم

ليه كل ما اجمع انسانى

واقف فى مرايتى

قولت انا مين

لقيت الدمع سال م العين

خايف مش شايف

معرفش انا مين وفين

دنا كل ليلة بدعى

ربنا ياخدنى

نفسى اموتا واسيبها

عيشتى كارهها

ليه الهم بيقصدنى

اللى شوفتو منكو

خلانى مش طايقكو

ده كلو هد فيا

وجيتو عليا

برغم ان انا كنت صافيلكو

خسارة ياقلبى تبقا نضيف

وتتعامل برجولية

مابين ناس اوطا من الرصيف

غرضها جمع المادية

اخدت انا ايه من السلكان

طلعت انا فى النهاية خسران

وادى حالى عنوانى

الجرح والاحزان

كلو نسى اصلو

لما الزمان رقصلو

اه من المعفن لما يدكن

والدنيا تعرضلو

يرحم اللى جابكو

كان عبيط شبهكو

بردو زى مانتو

دا مالكوش لزمة

والله لو اتشقلبتو

علاقتى معاكو طيارى

خلاص كدا خلصانة معاكو

خلاص كدا خلصانة معاكو

هسيبكو خلاص وده قرارى

ده كان واجب ان انساكو

محدش فيكو كان مظبوط

معاكو بقيت عايش مكبوت

اذيتونى بيعتونى

من اجل البنك نوت

طب عيب عليك يا صاحبى

كل شىء وصلى

يعنى يسطا ينفع للى بيدفع

بتبيعنى وتخسرنى

بس عادى يسطا

انتا بردو ادرى

عارف ان انت بتعرفنى

طول ما الفلوس حاضرة