كلمات اغنية نسل الاحرار انس ابو خماش

نسل الاحرار كلمات

ياهلا وكل الترحيب

بذيابة المراقيب

عوامرة طناخة وطيب

فزعة نخوة عز أوجود

عزازمة وإرجال اكبار

أحرار ومن نسل أحرار

ياكلو عدوهم زالنار

واللي يعاديهم مقرود

عوامرة امثالهم قليل

رفقهم رفق أصيل

فالميدان زودن ع زود

عوامرة عز وفخر

واقلوب قاسبة زالصخر

للرفيق عون وذوخر

مايسوو الفعل المنقود

للشيخ سلامة تحية

راعي الفزعة والنخية

حلال العقدة الملوية

شيخن أوفعله مشهود

أبوعويمر القرناس

شيخن عمبدا وعساس

مكسبه عز ونوماس

بين النشامة محمود

صقر اصقور الشيهان

يومن نزل فالميدان

عدا زي زرف البارود

ابوعدنان الزعيم

ثقيل ورجل فهيم

حكم غريمه تحكيم

والخطا عنه مردود

اوهذا احميد أبوزين

حيه السبع الرزين

ايرد الوحدة بتنتين

ودايم العزم مشدود

ابوزين ذيب المرقاب

مايسوي اسواته اشناب

يوم تديلا من المشعاب

عزمهن بدون العود

أما أبوسلطان طلال

يانشمي سبع الرجال

مايثني افقول لن قال

وان هم على شي مايعود

طلال الشهم الوافي

طلال الصقر السنافي

اربوعك ناس اشرافي

من هذا لغاد الحدود

أما ذياب ابوعواد

اللي فالشدة سداد

جيد اوللخيل رداد

و يفتح الدرب المسدود

وأخيه سالم القطيع

اللي عقباله بيضيع

سريع فرده سريع

ويقودهم قدامه قود

عوامرة ربع الشهامة

عوامرة عز وكرامة

ليكو ياصقور الحوامة

سلامي بعطر الورود

مهداه لفايز ابو عدنان

العوامرة

مجرودة العزازمة