كلمات اغنية هجن بن ضعيف مسفر السندوانة

هجن بن ضعيف كلمات

يا حبيبة شاعرك لا تنشدينه عن غيابه

و الخطايا لو قصدها قولي انه ما قصدها

تعرفين انه عزيز كل ما كرر عتابه

يبتسم لك و الهموم اللي ورا صدره جحدها

زمليني لـ القصيد و نحريني لـ الكتابه

و انشريها فـ القناه اللي هنا و اللي بعدها

انطلق فكري على قصر الهجوس وفك بابه

ثم غزا غزوه شجاع روس عدوانه حصدها

كل فكره يتعب الشاعر عليها ما وجدها

جات في مدح ابلج مع هيبته دمث جنابه

من رهاوتها على الابداع محد ينتقدها

اعرف ان المدح يطلب وقفه و عز ومهابه

و اعرف ان الرجل ينحر كل صعبه و يهبدها

من يقول السيف الاملح كان عزه من نصابه

علمه لازال عزه من نصابه و اعتمدها

يكسب الناموس رجل لا بغى الاول يجابه

و انت سويت الجنادع ف الاوايل يا حمدها

انت في راسك سما سامي وفي صدرك رحابه

ماخذ شلفا سمو الشيخ والخنجر بعدها

والهجن غاره تدك الارض لاجابت جهدها

الشداد اللي معا دهام لا درهم و جابه

ناس يفرحها و ناس كل ما درهم كبدها

كن منصوره تقول المجد هذا يقتدابه

جرهدي الارض فالمركاض يطوا تحت يدها

و كن وهاجه تسولف لـ السماء قبل السحابه

كل ما جات المنصه تستطيش امر و ادها

و كل نادر عند ابو راشد ولابه من غرابه

ترثة احرار ينومس لا بدا اللازم هددها

يخلق الله لـ الغدير كل مجد ينحكابه

يا سلام الله عليهم و التحيه من بعدها

الذرى و سلاحي اللي لـ المصايب ينغزابه

كل ما جات المصايب ينثني لي في نصدها

لا انقسم مجد الرجال و لا انشهر يوم الحرابه

تعرف اللي يصعدون بقمة محد صعدها

يا حمد و المجد مجدك لا احتمى قوس الربابه

سمعتك غيث ترازم فالسماء و ارهى رعدها