كلمات اغنية هذا سمي العود ظافر الحبابي

هذا سمي العود كلمات

الشاعر اللي موفقه ما يخليه

هذا هو الشاعر وهاذي مباديه

وانا مع الشعار واحما كلامي

والموقف الغصاب قده وحاميه

شاعر ولي في الشعر صوله وجوله

ابني بيوت الشعر وارفع مبانيه

ولا جيت في الميدان شاعر وناقد

اثبت اركانه وافسر معانيه

وقفت في المنبر وارحب واهلي

ولي الفخر في خدمه ابوي وفديه

واخواني اللي سعد منهم له اخوان

منهم عضودله يامكبر هقاويه

ملجا بني عمه ومنصا عوانيه

الشيخ ابن هندا رفيع المقامي

اسم كبير وكلنا نفتخر فيه

اسم كبير من كبار الاسامي

لاعدو ازحول البلاد ودواهيه

يامرحبا ترحيبه شانها شان

سلم لنا حاظر زمنا وماضيه

يامرحبا ياهل الوفاء والمواجيب

اعداد ماهل المطر من مناشيه

ترحيبه بالضيف ماهي جديده

سلم قديم وكلنا نحتفظ فيه

يامرحبا حيا الله اهل الجمايل

كل أبلج وقرم عريبه مجانيه

يقلط على هيل وبن يماني

وطيب نسوقه ماحسبنا الثمن فيه

ويقلط على حشو ابروك بصواني

ومفطح الخرفان والله يحيه

صبيان ابن زيدان للعز طاريه

قوم لنا في صفحه المجد سيره

تاريخ عز ومجد ماحد جهل فيه

خوينا يبشربنا في لزومه

وعدونا نكحل عيونه ونعميه

من دون نقص في حقوق القبايل

كلن له فعله وفعله يقديه

وقدام ماختم قافي اللي بديته

بهني مبارك عسى الله يهنيه

هذا سمى العود والعود غالي

نعم السمي ونعم منهم مسميه

واختمها صلو على صفوة الناس

اعداد ماهل المطر من مناشيه