كلمات اغنية هوى المرباع خالد ال بريك

هوى المرباع كلمات

اليل طال وفالسحاب بروق

سحب القصيد الي مهيب خفاف

تسوقها صلف الهبايب سوق

على ضمير الشاعر المنلاف

الي لاغنى يرضي اهل الذوق

في رسمة المعنى وحبك القاف

مايطرق الي قافها مطروق

يتعب على الي تقنع العراف

مثل الفروع الفاتن الغرياف

لاجت تهوم ونيها مفهوق

خلت معاليق القلوب رهاف

مارددت فالشبك ولا السوق

تشرب هوى المرباع والمصياف

وان زرفلت قامت تتل النوق

في عثعث خالي ونبته زاف

وضح عليها المغزل المرموق

الروس دلخا والرقاب سهاف

في ضف حرا من مطنخ روق

ترعى الخطر ماحافها الحواف

الي ينومس حزة الميقاف

راع الجناب الدمث والمنطوق

وفي كل ليل مشرع المضياف

معقبن حرا على الشاهوق

واليا شهر مايطري المنكاف

اسم شهر بين الكواكب فوق

نجمن على حد النجوم يشاف

مقرن بجمده ماهو بمسبوق

ولايقني الا الطافح الميلاف

ماينشرب فنجاله المسيوق

ينسف معادينه لاقام اخلاف

فيه المدايح والقصيد ايلوق

ويزها متونه مشلح العياف

في ضل بشته كم كفل مخلوق

بشته على اللي معسرين ضفاف

من روس قومن مالحقهم عوق

يوم اليالي والسنين عجاف

ستر العذارا لابسات الطوق

في حزتن فيها الجموع الاف

يوم الاصايل لاحق وملحوق

مجد الحبيل ارسى من النواف

عون الدريك الجالي المزنوق

اهل الوفا والعدل والانصاف

قومن لهم طيب وفا وحقوق

سربت حماميدن ترد احلاف

حريبهم ذاق المراره ذوق

معندهم رحمه ولا استعطاف

من ربعي عتيبه هل المذلوق

منزالنا في عالي المشراف