كلمات اغنية هيبة حرب خالد ال بريك

هيبة حرب كلمات

كل ما هب الهواء والليل فاقد للسكينه

قمت اغني بالجزاله والبلاغه والسلاسه

اسر يا فكري وقدم من فرايدك الثمينه

دوس لك قفر ماحد قبلك من الشعار داسه

اه يا راس من الدنيا غدت حاله رهينه

كل ما تطري عليه أشياء تطير له نعاسه

ودي ابعد عن ضجيج الناس وزحام المدينه

لا صحاصيح بها الخاطر يحصل للوناسه

تجلي هموم الزمان وتبعد أسباب التعاسه

اتمثنى نجد الأنجد واتشاوا ب أكسجينه

ما ورا صدري من الايام فكيت احتباسه

فوق لاندكروزر تلد النواظر يم زينه

ابيض بديه جنوط كروم ومطعم لباسه

اكحل الشمعات متوسط شعاره في جبينه

كنه مطرز من الألماس لونه وانعكاسه

داخليه لا ركبته كنك بداخل كبينه

طايرة بوينق تملك لأعظم رجال السياسه

المقاعد لونها من لون فرديه ثمنيه

جوهره بالحمر منتله سماء فيها انتكاسه

كاميرات مراقبه في بنك خاضع للحراسه

ماشريته لجل يوقف عند باب البيت زينه

ذاخره لجل الخطوط السود والا للعساسه

انحر اللي عن علو المجد ما تقصر يدينه

راس حربة حرب في نار الملاحم حي راسه

راس حربي تشوف العز يلمع وسط عينه

فيه هيبة حرب وبرأسه صعاطير وشراسه

كل عام يواعد الناموس ويصافح يمينه

البطل فيه الشغف ثابت على معدل قياسه

حامي شوط الحمر مثل الأسد حامي عرينه

ينزع الامجاد بالقوه ماهي طيب وسياسه

ياهل الشلفا وعدك ذا السنه مر وغبينه

والفريدي بالحمر متسيدا عرش الرياسه

كل يوم يعزز ب صفقه تكلف للخزينة

مرعب أخصامه ب عرابات من قوة حماسه

فاتح بابه شمال العاصمه لا قيل وينه

مجلس على المكارم والكرم شيد اساسه

كل يوم والنشامى من غلاته داهلينه

ما جعل بينه وبين الناس بوابة حراسه

ابلج ربعه على الشدات دايم ذاخرينه

ما تصدد دونهم بالكايده من طيب ساسه

ذا يخلص له لزوم وذاك يقضي عنه دينه

وذا يسوق الجاه لجله يا عرب يا قو باسه

ما يجيبه بالتجاره ماقعد في راحتينه

الكرم بالمخرشي والجود منهج للدراسه

اعتلا عليان بالأفعال قمة فرقدينه

ينحت التاريخ باسمه من الذهب ماهو نحاسه

ما يهاب المخرشي والقوم باسمه هايبينة

فارس فيه الشجاعه والمهابه والفراسه

عاد طاري حرب في وسط الجزيرة خابرينه

السلوم الطيبه فينا ولا فينا خساسه

ننطح وجيه العرب وحدودنا دايم حصينه

من عوايدنا عزاز نفوس ما نرضى اللحاسه

كل رجم لا اعتزينا بالعزايم معتلينه

وكل حربي بالعلوم الغانمه يجلا عماسه