كلمات اغنية وافية ابن مركوز جفران بن هضبان

وافية ابن مركوز كلمات

اي والله انا ما نوردهاا على جرف الهيال

في ضفناا تارد مشاريب العدود الصافيه

ناموسنا بالفعل ياتي ما نجيبه بالريال

الحمدلله بينت كل العلوم الخافيه

خذنا رقم واحد وطشينا العمامه والعقال

والحر يفهم بالاشاره والاشاره كافيه

غير اسمعوني يا اهل اتلاد المجاهيم الجلال

منهو لقااا له سوم يفلح جعل فيه العافيه

دام ان ابن مركوز سايق لـ الشبوك الوافيه

يارب انا سائلك عفوك يا مجيب ألمن دعاك

والمبتلي لامن لجاء لك طاب واشفيت امرضه

يا منصف احقوق البشر والكون كله في رجاك

من ظلم من سود النوايا بأمرك ايجيه اعوضه

منك جزيلات العطا والكل يمشي في رضاك

ومن يخلفك يعيش في صيهد وعجه ورمضه

الي يغط الحق يبشر بالدمار وبالهلاك

ويل العيون الي عن حقوق الرجال امغمضه

يوم اللتفت في وجه هذا واللتفت في وجه ذاك

عليك باللي كل ما حدك زمانك واحتداك

ياتيك كله فازعن ماهوب ياتيك ابعضه

وانا هجوسي كل ما ذعذعت يالغربي هواك

اتموت في حب الكفو واللاش لا جاء ترفضه

يالموقف الغصاب لامن جيت ياقف ويحماك

الشاعر الي ربي اعطاه القصيد وفوضه

يا بحر لو يهول موجك والله ان انلحق مداك

من دون خلان الاشده كل بيتن ننقضه

يا اهل المجاهيم التلاد الي هنا والي هناك

من ذاق حلو الفوز بالماضي نذوقه احمضه

بالوافيه حول يا ابن مركوز واربوعك معاك

وخل المدرج من بني هاجر يجي فيه انفضه

كلن يدوه بـ اسمها غير اتلفت من غلاك

تصايد لصوتك واعزي للقلوب المبغضه

يوم اعرضت كن ارقبتها يا مشاءالله عود راك

وكن راسها راس الفحل ومتونهاا متنهضه

صرحت يا محمد وتصريحك يليق بمستواك

بتلادك الي في كنفك امربعه وامقيضه

كنك تقول لخصمهااا يا خصمها عود وراك

من دونهاا الي كل تصريحن لا قاله يفرضه

جعل الضعوف الي ترشح يا ولد ناصر فداك

حلوقهم ماهيب تنضف لو تمضمض مضمضه

الشوط حامي وانت يا راع التراشيح بعماك

الفضفضه ما بررت موقفك خل الفضفضه

حنا نجيب العلم وان كانك تدور علم هاك

العلم واخذه واحفظه خذ لك بعد درس وعضه

لا عاد تكثر بالتراشيح وتومي في يداك

اليا حضرنااا نزل ايدينك وصوتك خفضه

ناموس خزنات الظفر ينشب لسانك في جماك

بالاوله والثانيه غير احفظ العلم احفظه

تقنع بها واحذر تعرضناااا واذا عود بلاك

من يعترضناا للمنيه بالرماح انعرضه

ذا طبعناا من عادها بسيوف وادمي وعراك

ما نتركه لين انفسه ب ام المعارك يلفضه

هواجرن مثل النجوم الي تلامع في سماك

اليا تعزوينااا غدا في لقح الذود امخضه

وعدونا لو اصمل القيمان ياتيه ارتباك

ان عاش ياخذ موعضه وان مات يصبح موعضه

خصيمناا ناصله لو كان ابوعر ولا دكاك

والرابح الي شد من داره وبيته قفضه

وصحيبنااا ما ننشده وش فيك ولا ويش جاك

قدام يزهمنااا نجي له والصعيب انروضه

يا جعل قلبن يبغض اربوعي يورد للهلاك

ويا جعل دورات الليال ادور فيه وتقرضه