كلمات اغنية وان تو وان عمرو سايكو

وان تو وان كلمات

خدنى الهوى من ايدى وفى الطريق توهنى

ضحكت انا للحب جالى الحبيب شوهنى

مجتش غفلة انا ياما جالى الى ينبهنى

الناس تقول ده بيعذبنى يوما ما اكيد هيسيبنى

الدنيا بتكركبنى سايقة و عمالة تتك

ياما سيبت بيبان متواربة و كان صح انها تتسك

كان مفروض اصدق شك كان مفروض اتفك

بدل ما اعيش وانا فى روحى فى ايده رخيصة وعمرى ع محك

عمال يزيد فى القسوة يشيل قلبى منه حبه يقل

مجاش فى بالى الحب الى بيننا يذل

مجاش فى بالى يمل مجاش فى بالى يكون رافض يحل

مكانش فى بالى انى الحقه فى الشمس واتقتل فى الضل

عشان محبش يوم سابنى فى عمر لون ولون

سمكر قلبى بكالون شوه لونى ب 100 بجالون

سابنى غريق فى عرض البحر وخدت قلبى رجعت عوم

عملت كنترول راجعت نفسى فهمت صح

مشيت ورا قلبى خسرت عقلى شربت بحر

عمال بطبطب ع الى قلبه عليا صخر

فات سنتين على الفراق وانا لسه حى وكلى فخر

فات سنتين تسلملى العينين خلاص غلبت الظن

كنت مع الحزن فى اوضة فاضية لعبنا وان تو وان

خسرت قلبى كسبت نفسى وكله ضن

يمكن كات عدت سهلة لو كنت اتحضنت

كانت بتطبل ع الدماغ كتير كأنى دف ف زار

بضحك بعياط على الايام كأنى دوبت هزار

كأنى خضت النار منا كنت حطام

والايام مبتميزش تملى تذنب الشطار

ربك سترها ان انا مكنتش بشرب كنت هضرب

كانت الاحكام حرمان مفيهاش نقاش كانت بيان

والى اتقتل جوايا كان مالوش شهود عيان

كل ذكرياتى شوك صورى من الماضى كانت موج

سابتنى فاضى فى اوضة فاضية حيطانها ساكتة سلاحى صوت

نبش القبور حرام والجرح كان مردوم عليه

ومدام نسيتنى طب فى المنام بتزورنى ليه