كلمات اغنية وجه خلان الاشده نادر الشراري

وجه خلان الاشده كلمات

كل ما ارهيت الصباح يكرر الليل الإعاده

للشتا ثار معاي وكن ناوي لي مكيده

غاضه اني ما تتقى برده و طول فـ ماده

ما ادرى اني في لهيب وطامع ان برده يهيده

ما تحلويت المنام و عايف شوف الوساده

لي شهر وعماد غير عماد وازريت استعيده

اشعر اني فاقد نفسي ولا عندي جلاده

مـ اذكر اني قد وهنت وخابر امجادي تليده

مدري المقهور فيني خافقي والا القصيده

غاب ذاك الشاعر لا أنتهض وأسرج جواده

يعتزي بالهاجس المعهود ويجيب الفريده

لا تقول إعتاد كثر المدح وصنوف الاشاده

والله انه شايل معروف و أمداح فـ وليده

من كبر معروف رجل ماخذ المعروف عاده

موقد في اللهيب ومايع زبر الحديده

باذل المعروفسيد في زمن مافيه ساده

و ناكر المعروف ودك ينقبر في يوم عيده

و الحرار فـ وقفة الاحرار مسلوبة إراده

و الجري في طلبة الوقفه مثل بياع قيده

ما درا إني فالحقوق حجازي ولاني هبيده

جنبو عن مطلعي المعتاد يا شعار غاده

الغزل ماهوب فني والوفا فني و أجيده

لبة الامداح والله ما يلبسها القلاده

غير راس مثل راسي فيه مقباس ووقيده

عاد خلوني أبسهب فالمديح اللي عتاده

فعل ماهو يفعل الا من تعاليم وعقيده

وجه خلان الاشده ثبت المعنى و أجاده

كنه يقول ازهلوني من شعامل لا عبيده

السماحين إندبوني للمعالي والرياده

والصداقه قايمة عمدان ماهي بس ميده

موقفي شدة رفيق ما لقى عون وسناده

هاجري في بنوك العز معروف رصيده

قالها عبدالعزيز وصارت لـ ربعه شهاده

دوك خزنات الظفر لاصارت الحاجه شديده

إبتهج ياللي مصاحب هاجري و إن ضقت ناده

واترك اللي في سواليف السعه ياكثر جيده

صاحب ماهوب مثل محمد إعتبره نقاده

نعم فـ محمد فهيد ونعم في هاك البديده

بالعنوه راكز كوعه على وسقة شداده

بالمروه فقد شروى محمد فهيد الفقيده

بـ التواضع كن ما اعطى فالمعاريف إجتهاده

بـ الدماثه كنه يداري على خاطر وليده

يشبه الجد العطوف اللي غدى سهل انقياده

يتبع لشف الحفيد اللي يجر إصبعه بيده

ما تقول انه مسوي في هل الزمه إباده

فارس اصحاب البشوت الزايفه مفراس صيده

مرحباني مضيفه يشبه لساحة الاراده

الضيوف تقول كنها تنتخب والصوت ميده

يستحق الود كله والمعزه والسياده

يرزق الله السياده كل من يخدم عبيده

يا بني هاجر وراكم ما تكبون النكاده

الزمن يحرف مسار الخلق وتتمون سيده

انتم كبار البخوت ومعقل العز و عماده

وانتم وساع البشوت اللي مساعيها حميده

فيكم كبار الدواهي في شعر والا عقاده

مثل ابن شافي عسى ايامه على الدنيا مديده

والا ابن وسام لامنه لعب ما به هواده

وسعد ابن علوش لا غنا تغانمنا جديده

من فضل ربي علينا خالق منكم زياده

من كويت العز حتى دولة عمان المجيده

كن ربي ناشر فالارض من خيرة عباده

الله العادل له الحكمه ويفعل مايريده

ابسط حقوق العرب عند العرب حق الشهاده

واشهد ان الهاجري مرجلته فـداخل وريده

ومدحة اهل الطيب عندي عادة ماهيب عاده

مامدحت الا قليل وكل من أمدح وليده