كلمات اغنية يابا سمارة ناو

يابا كلمات

يابا ياريت سمعت كلامك لما قولتلي

أن مفيش ف الدنيا دي غيرك حد يحبني

ياما حذرتني من الدنيا ياما نصحتني

قولتلي خلي عنيك ف السما اوعاك يوم تنحني

قولتلي فوق للأيام اوعا ف يوم تتغير

يابني الدنيا دي لحظه عمرك مهما يطول ده قصير

سكك الدنيا يمين و شمال و انت ف كله مخير

يابا يارتني فهمت كلامك بس انا كنت صغير

يابا مليش غيرك يسندني لما بكون تعبان

كل صحابي يا ابويا باعتني ومطلعوش جدعان

و اللي انا قولت عليهم مني دول شبعوني احزان

عايش وسط عالم مؤذيه يوماتي يا ابويا بموت

كل الناس بتجرج فيا يوماتي وجع و ضغوط

منك بس بشوف حنيه ف حضنك اعيش مبسوط

كنت هتوه ف الدنيا يا ابويا لولا أنك موجود

كل ما فيا يا ابويا وجعني ابنك بقي دبلان

ده اللي بيحصل دلوقتي محزرني منه زمان

يابا انا قلبي تعبني و تايه مش لاقي ليا مكان

ضحكتي باهته و عايش خايف ليل و نهار قلقان

عشت في خيرك بس يا ابويا انت الي شايلني

عمر ما حد غيرك كان جنبي ولا حد سندني

من صغري و انت بتنصحتي يابا مصاحبني

علشان دعواتك انت و امي ربني بيكرمني

علمتني معني التقدير و الاخلاق و الكرم

عودتني اني ارفع راسي ف الضعف و الالم

اسمك اول اسم كتبته أما مسكت القلم

فين ما بروح سيرتك سبقاني بالخير بتتذكر

صاحب الفضل عليا يا ابويا بيك انا بفتخر

ف الدنيا دي انت عكازي اللي عمره ما يتكسر

ابنك بقي راجل ع اصلك و ربايتك كبر