كلمات اغنية يا زينها فرصه فايز الدوسري

يا زينها فرصه كلمات

من بعد غيبه صار للوصل تجديد

سـاقــتــنـي الاقـدار والله ومـرها

يـازيـنـها فرصه تـجي دون تحديد

شوفة حبيب الروح وانا اختصرها

طلتك بعد العيد هاذي هي العيد

أنـتـي لليال الـعـيـد وانتي قمرها

يـوم اقـبلـت تقول في رجـلها قيد

ومـن العتب يمـي مالدت نـظرها

قلت البروق احيـان تسبق مطرها

قـلـي تخـاف وقلت ماني برعديد

من روس قـوم تطبخ من سطرها

لاشـك حـاديـني سـلـوم وتـقاليد

يـاكـثـر نـاس طـيـحـتي تـنتظرها

أصـد عنـهم لـو يـكيدون لي كيد

أحصان لا شاف الحواجز طـمرها

عـلاقـتـك بيـن الـعـلاقـات تهديد

أجنب اصـحابي واجـنـب سمرها

اللواحد إلـيـا سولف اقول له عيد

وان عـادهـا سجـيت هاذي بثرها

في وجه شايب واضحه لو سترها

وانا شـهـرتـه مـثـل عليا وابو زيد

إركـاب شـرهـات الاوادم نـحـرها

بس الاكـيد اللـي مـايحـتاج تاكيد

حبك عوض عن كل حاجه خسرها

قـرب تـعـال و بدد الـحـزن تبديد

عـالـج عيوني وانت سبت سهرها

الـعـمـر مـره والـمـكـابـر لواهيد

فـرصـتـك هـاذي لا تضيع ثمرها

فالصدر جمر الشوق جاله تواقيد

مايـنـطـفي ياللين يلـمس نحرها

ضـمـيـتـها ضمة شـجـاع وعربيد

مايحسب حساب الليال وخطرها

مـن دق خـصره تنثني حوله الايد

واللـيـل ظـلـم يوم فـلت شعرها

اللوجـه بـدر لا تـجـلى عـلى البيد

قـوة ظـلام الـلـيـل نـوره كـسرها

تلوق فيك الغطرسه يا اتـلع الجيد

يـحـق لـك يـوم البـنـات تـحقرها

دربي مـعك سـيدين ولا عـلى سيد

أحـلام عـمـره لـجـل عينك قبرها

حتـا ولـو راحت عن عيـوني بعيد

في رف جفن العين حافظ صورها