كلمات اغنية يلا نغني كاريوكي

يلا نغني كلمات

اخرتها ايه مبقتش قادر على السكوت كرهت الامل ولا هو عايش ولا بيموت

سالت نفسي كل الاسالة البديهية انت مين انت ليه جاي الدنيا ديا

بتغني للشهرة فلوس ونجومية ولا صاحب قضية مصدق فعلا في اغانيه

الاجابات كلها عكس عكاس اجابة من دماغي والتانية بالاحساس والتالتة متوسطنة على الميزان بالمسطرة

كل الافكار جوايا راقدة متكدرة مخنوق والطريق مسدود لازم توطي راسك علشان تفوت

لو مش مصدق بص لفوق على النجمة البعيدة نورها زي قلته مايبنش الحقيقة

لكن احنا الشخص واحنا وراها نتحرق نور سماها كل يوم يعدي نروح نموت فداها

يلا نغني اللي جوانا غنوة ساكتة من غير كلام احنا بس اللي نفهم معناها غنوة تجمعنا ولو في الخيال

ببص في المرايا وخايف عيني تيجي في عيني مكسوف من نفسي بهرب منها مهما بتناديني

انا بغني ليكم ولا بغني عليكم احمي نفسي انا ولا احميكم مش عاوز ابقى نجم من النجوم وازين العتمة وسط الغيوم

مش عاوز اعيش كدبة كل يوم او حلم جميل خايف منه اقوم انا عاوز اكون او لا اكون يا اعيش حر يا اعيش مدفون

اه زهقت من المواربة والفكرة شاردة جوايا حرب باردة وافكار كتير معاندة

مش لاقي منها فايدة الفكرة لسة صامدة مهما العمر يطول

جوانا عالم وحياة ممنوع يا ناس تتعاش جوانا فكرة في مكانها بس مقولنهاش

جوانا منطق عايز يبدا كدبة كبيرة دايما تسبق تقولك غيرك اشطر متحاولش

يلا نغني اللي جوانا غنوة ساكتة من غير كلام غنوة تجمعنا في الخيال