خالد بن بندر بن عبد العزيز آل سعود هو الابن الثالث للأمير بندر بن عبد العزيز آل سعود هو رئيس المخابرات السعودية سابقا كما كان أميرا لمنطقة الرياض وكان أيضا قائدا للقوات البرية السعودية برتبة فريق ركن الشاعر الأمير بندر بن خالد بن عبد العزيز آل سعود لقبه المشتاق تغنى بقصائدة الكثير من الفنانين السعوديين وفيما يلي
قصيدة الى مني نسيت الهم ساعه
الى مني نسيت الهم ساعه
تحدني هموم واذهلني
واهوجس كن ماحولي جماعه
دموع العين هلن وافضحني
ترى قلبي مع الغالي وداعه
سموح بالوداعه وبالتهني
انا مالي مرام ولا طماعه
يا كود مشاهد اللي غاب عني
وقلبي لايعه للحب لاعه
ولا لي حيلة غير التمني
جروح الحب ماتحتاج اشاعه
ولو اخفيتهن بينني
فراق الشمل يازين اجتماعه
ليالها ابعدنا وابعدني
ولو هي بالبتاعه وبالشجاعه
اخاطر لو تروح الروح مني
قصيدة يا زهور العشب في غب المطر
يازهور العشب في غب المطر
يوم علتها مراويح السحاب
ياشبيه الورد من بين الزهر
نظرتك تجلي عن النفس العذاب
ماتشوف العين مثلك في البشر
ياعديل الروح لاتطري الغياب
صابر والثانيه عندي شهر
ماتضيق الروح فقدك والعتاب
عن جميع البيض غضيت النظر
تاب قلبي عن جميع البيض تاب
وغير زولك ما على بالي خطر
لو تروح بعيد طيفك ما يغاب
قصيدة ولعتني وخليتني أنشد الناس
ولعتني وخليتني أنشد الناس
وفضحتني مابين ربعي الادنين
ياصاحبي من عقبك البال منحاس
أصفق كف بكف وأشكي من البين
لاتحسب ان الصد والهجر نوماس
ترى الخطا مدموح المحبين
اسقيتني مر العذابين بالكاس
وحرمت عيني لذة النوم يازين
حبك لجا بالروح من غير مقياس
ماقلتلي ويش غيرك يااريش العين
لاباس ياسيد الغنادير لاباس
مقبول ماجا منك ياكامل الزين
قصيدة يا ليل يا جامع على الود قلبين
يا ليل يا جامع على الود قلبين
لك عادة تجمع قلوب الولايف
يا ليل ما ترحم قلوب المحبين
قلبين ضمتها الضلوع النحايف
يا ليل انا لي عن هوى البال شهرين
ليتك تقرب لي حسين الوصايف
يا ليل في قلبي من الشوق جرحين
و دوا جروحي بين هاك الشفايف
يا ليل فرق بيننا نازح البين
متى تشوف العين نابي الردايف
يا ليل شفته مرة عقب عامين
و انا من الفرقى على القلب خايف
يا ليل محلى نظرة العين بالعين
في غفلة الحساد تبرى الحسايف
قصيدة يا زاهي الكحل
يازاهي الكحل عينك هي تبي حتفي
صدت وأنا لي مكان بحجرها الدافي
ياجارح القلب ظلم منك لو تقفي
حقي عليك الوفا تسعى بالإنصاف
همس الشفايف تبسم بسمتك تكفي
لي صار وصلك صعيب فالرضا كافي
يا أبو جديل على غض النحر يضفي
والموج زاد بسواده لونك الصافي
ياعل وقت الكدر ياصاحبي يصفي
وبعد الجفا اللي جرحني وصلك الشافي
يازاهي الكحل حبك فايق وصفي
ولولا الرجا منك بحت بسري الخافي
قصيدة منصور راح الليل كله وأنا اصيح
منصور راح الليل كله وأنا اصيح
عزاه يا منصور راحت فواتي
أبكي عشير جرح القلب تجريح
زوله يخيل لي ولو في المباتي
عليه دمعي فوق خدي سوابيح
مخطور من فرقا تدني وفاتي
ليته يصرح لي عن الصد تصريح
وأدري بيغيب أيامي المقبلاتي
وحتى أصبح داله البال ومريح
وإلا انتهي وأصبح كما الحياتي
لمحت له عما حصل منه تلميح
وأقفى وخلاني أجاذب عبراتي
قصيدة عيوني حزينه
عيوني حزينه والسبب خافقي مظيوم
ولاهلت العبرات ماني بلايمها
كفا ياعذول لامني ايش يفيد اللوم
انا اسهر ليالي كامله وانت نايمها
عيونك تنام وناظري مايذوق النوم
ازايم هموم بالهوى ماتزايمها
ولاصرت ماتدري وانا صابر محروم
ترفق بروح زايد الهم ضايمها
علي الشقا ياصاحبي بالهوى مقسوم
الا وعذابي طول الايام صايمها
قصيدة مع التقدير يوم إنك تشره
مع التقدير يوم إنك تشره
تحملتك سنين طويله
على هونك على قلب تجره
ترا ماعاد فيني إلا قليله
أحبك وأشتكي منك المضره
وحالي من سبب حبك نحيله
خطاياكم علي عشرين مره
وخطايانا على مثلك قليله
إلى صار الهوى مابه مسره
أعز النفس عن نفس بخيله
شربنا من الهوى حلوه ومره
وجربنا ليالي جميله
قصيدة لا تقول لي لا يا زين المحيا
لا تقول لي لا يا زين المحيا
خلني اشرب من دمث الشفايف
يا حبيبي كان وصلك لي تهيا
شربة من ذبل البيض الرهايف
لا تروح بعيد.. صر عندي هنيا
دمت انا وياك في الدنيا ولايف
لا تعلا للكواكب والثريا
المحبه ما يجي منها كلايف
عادل قلبي ولكن عنك عيا
الين بانت وانشدوها يا حسايف
يا حبيبي إن كان عندك لي حميه
لا تخليني على جرف مهايف
قصيدة ابنخى لي صديق
أبنخى لي صديق لي مودي
أبا الفزعه ترى روحي خطيره
على اللي بالهوى بيح بسدي
و نفسي ما تبي مخلوق غيره
عقب فرقاه دمعي فوق خدي
يباريني غلاه بكل ديره
أخذ قلبي وانا ما هو بودي
شكيت الحب وابديت السريره
أنا محتار مدري ويش أبدي
صحيح مصيبة العاشق كبيره
ولا حي يجيب ولا يودي
سلام احباب في وسط الجزيره
