سالم سيار شاعر كويتي برز في الساحه الشعريه و استطاع ان يحرر نفسه وشعره و يصبح مميز عن غيره وأستطاع خلال سنوات الماضيه ان يحتل مرتبه متقدمه بين نجوم الشعر الشعبي وفيما يلي اجمل قصائد سالم سيار
قصيدة الذباح
ذبحني الحب وكم شخص ذبحه الحب ولى وراح
وكم قلب يعيش بحب ولكن بالهوى مذبوح
اذا هاليل يجي عندك وياخذ من شعرك وشاح
اكيد القمرى لاشافت حضورك تختفي وتروح
قمر قلبك من عيونك تمده للفضا وان راح
يفل النجم وانت تفل كل ضوك وسط هالروح
تمر ارض القصيد بكل عطر تتبختر ومرتاح
بعدها كل سطر وده يضمك بس عشان يفوح
اذا ترضى ااكون افراح اذا تزعل اكون اتراح
نعم اتقاسمك بين ابتسامات الهوى والنوح
انا سلمتك القلب النقي وفي يدك مفتاح
تعال ادخل وسط بيتك وعمر بالحنايا صروح
رضا عمري اذا تزعل اشوح العمر لك ملواح
ولك كلمة تعال ولاتجي في صوتي كلمة روح
فديتك لاتحاتي لو تجيني منك أي جراح
ابيها لجل اوصلك واغني لخاطرك مسموح
انت بزينك بطولك في شكلك سيدي ذباح
ياعم أجرح ولا تقصر وحط جروح فوق جروح
يهون الجرح لا صارت رموشك كل ابوها رماح
ولا اكابر عشان اطلع انا من عيونك المذبوح
قصيدة الملح و العشرة
غريب تبيعني وقلبي فداك بنبضه وعمره
وتتركني بشموس الويل وتاخذ مني ظلالي
افا ماكنت احسب انك تخون الملح والعشره
ولا فكرت يجيني يوم وتتركني انا لحالي
تروح وتترك بقلبي طعون الوقت والحسره
واداري جرحي عن عين الشماته وعين عذالي
عطيتك من حلا ايامي وشربت من الوصل مره
عشان اليا لفت سود اليالي توقف قبالي
عطيتك حب في شريان قلبك صافي نهره
ولا بين في عينك يا ضعيف النفس والحالي
نعم بغيابك اتشكل من الاوهام الى جمره
واحرق اللي بقى فيني من الاحلام وامالي
هنا بحرق من اوراقي وهم مستقبلي وقصره
واحرق طيوفك بزفرة اسف من نار موالي
خلص كل الوفى بهالوقت ما في وافي سره
حبيب يبيع كل عمره عشان يعيش للغالي
وش اللي يجني هالطيب في هذا الوقت من صبره
ماغير الشوك وجروح اليال وضيم غربالي
بوقف قلبي روح العب بعيد وانقلع بره
اقص الراس لو مثلك يمر لو مره في بالي
بوقفني واقول انها ضريبة وافي قدره
بذرة الصدق ولا اتحسف على نكران الانذالي
نعم مجروح ولكن ما يطيح القلب من كبره
مثل ما اخطيت انا بحالي بوقفني انا لحالي
قصيدة الغيبوبه
بنادق مهجتي معبى فشقها والغلا نيشان
ابطلق روحي في قلب القصيدوانبض ابياته
ابذبح حزني من اقصى الشعور لأول الاخوان
وأسيل عمره وتشرب عيون العمر دمعاته
وحيد ولامعي الا اخويه بداخلي غفيان
ترفرف ضحكته واطلق نعاسي لصبح ضحكاته
في بالي يرقد وأدري حزين وشارد وبردان
وانا انثر برده من فوق الخيال وجمر سجاته
ينام واعقد بعين الاغاني جمرة التحنان
ينام واعقد بعين البدايه كل نهاياته
يدور القلب تتفتت ظلوعه يطحنه حرمان
يجوع القلب يحضني في جوعي واكل فتاته
واطل من الألم احضن حياة الشارع الولهان
يلملم حسرتي ويكسر وجودي بشوق أضاءاته
ياخي اقعد الدنيا رمت من تحتي النيران
وهذا العمر مايحمل بجوفي الا انكساراته
تعبت امليني طعون تصب من خنجر الخلان
تعبت استنزف عيوني دموع لعين طعناته
ياخي ليه تغيب وليه تتركني واناشفقان
لقرم يقلب جبال الهموم بعزة ثباته
أعرفه لاوصل كنه صقر من صفوة الويلان
يكش جلد السما ان شافت مخاليبه وهداته
رجال تربط حزام القبيله وتنفلت شجعان
واخويه يربط رجال القبيله حزام هقواته
كريم ماهو من يبني فعايل صيته الديوان
في صدره دلته وهيلهوفناجيله وتمراته
اذا كان الكرم حمس الهلا في مهجة الضيفان
اخويه من حمس قلبه لضيفه وصب فزعاته
وكم تكفى انرمت بين البشر ممزوعة الوجدان
اخويه قبل لاترمى عليه يقط نخواته
حزين السيف بكفوف الاوادم طافي ذبلان
بعد مانام دم اللي سقى فعله وومضاته
ياخي اقعد وقعد خضوعي بداخل الشريان
تنام ولابقى هم قطف من دمي غفواته
غريبه شلون يكسرك الغياب ويغلبك نسيان
ودفتر جيتك ياخي طوى من عمري صفحاته
يجيني مدري ولكن اعرفه لاوصل جيعان
قسم وان جاني لاانحرني لجوعه تحت خطواته
وصل زوله هذاك اللي وصل مايشبهه انسان
هذاك اللي وصل شايل عذاب العمر واهاته
وجيت الحين ياخيي بعد ماشالتك امتان
بعد ماودهم غسل الجسد عن كل نزواته
ابد لاينغسل هذا الشهم مغسول بالفرسان
أخويه من غسل روح الجسد في طهر نياته
أيا دفان دخيل الله لاتدفن ايا دفان
دخيلك خلني أدفن في بالي جمر بسماته
وأهف بسماته من هذا المكان لأخر الأحزان
وأنا اطحن موته في جوع الكلام واخبز سكاته
أنام شلون لاصار الاخو جايع وانا شبعان
اخوي اللي كسر قلبه لجوعي وجاع لحظاته
اخوي اللي يمزمزني معاليقه اذا عطشان
اخوي اللي ثنى عمره من اجل اطلع مسافاته
يدين القبر ضميني وسط حضن الاخو نعسان
ابرقد دام لي قلب دفن وياه نبضاته
اكيد انه وسط قبره سمع طق الخطاوي الان
الا ياليت انا المدفون وانا اسمع طق خطواته
قصيدة الأماني
بس دقيقه
وقفي ..
ودي أجبر شي في صوتي تكسر
مثل
موال الأغاني
مثل
إنسان مايملك بالحياه إلا الأماني
ولا تتحقق
وقفي ..
مادريتي أو دريتي مومهم هذا السؤال
أدري
صوتي ماتحبينه
وأدري لو طلبت الحب منك
أدري هذا الشي محال
الوصل لو هو تلاشى عن عيونك من عيوني
أنطفي
قصيدة لأصيله
انا من بين كفينك شعور يشبه الشعره
اقولك شي ترى فدوه حياتي لو قطعتيني
اخذت من الصبر لا لا اخذ مني الصبر صبره
مدام بغيبتك محد يجي مثلك ويحييني
تعالي يابعد روح الشعور ويابعد عمره
انا البارح لهذا اليوم ابد ماغمضت عيني
تنفستك شعور وفاح من صدر الغلا عطره
تنهدتك وشفت الضيق يتنهد عناويني
يضيق الكون بعيوني واشوف الكون ثقب ابره
واشوف الموت ياعمري مابين عيونك وبيني
كتبتك شوق من شفت الفراق بعمري ياكبره
مو مثل اللي يقول لاانتي ولا غيرك تذليني
مو انتي العز ولو ما انتي اقول انتي ترى وكره
اصيله والاصيله ماخلق الله توطيني
واذا ردت على العز الكريم ودورو صقره
انا ليه احلف وانتي تشوفينه بجناحيني
احبك ينثني هذا الكلام ويرتفع قدره
احبك يرتعش هذا النجم يتشكل بطيني
احبك نور في هذا المسى واقعد على بحره
احبك لاتخلين الفراق امواجه تمحيني
يالله وانتي بعيون المسى بهذا المسى قمره
قريبه حيل في اسود عيوني انتي تضميني
وبعض احيان تكوني داخل ظلوع الغلا جمره
وكل هذا الوله ماهب من عيونك حرقتيني
وبعض احيان تكوني داخل اشواق العمر زهره
عشان الزهره لو بتموت تموت وعطرها فيني
بغيت اقول شي لكن او انسي بس على فكره
هي الحريه اني اختار قيدك وادخل يديني
وانا اخترتك وخليني وسط كفينك الشعره
اقولك شي ترى فدوه حياتي لو قطعتيني
قصيدة الطيف
تجيني طيف ياعمري على جنحان شوقي لك
أخاف أرمش من عيوني وأبعثر صورة وصالك
حبيبي لاتجيني قول .وين أنت..وأنا أجيلك
أبيك تقول..وين أنت وعلى عيوني أنا اسعالك
وربي فوق روس الشوك لخلي القلب يمشيلك
واخلي ظلالي يسبقني قبل يحضني منزالك
ثواني بس أبي اتهندم من عيونك وباهديلك
في عينك ضحكة حتي تكحل عين عذالك
يقولو الناس بغيابي تشب القلب ويضويلك
حنيني ومن وهج شوقه يميل القلب لامالك
قضى دمعي من عيوني أبي من عينك ابكيلك
ابنثر من ورى عيوني دموع عيون ترحالك
تعبت اهرب من الأشيا البسيطه من تفاصيلك
تعبت اسأل زوايا البيت عن اول واخر أحوالك
وحتى الشوق من صبح الدرايش قام يهديلك
عصافير الرضا ترفرف على بيبان مدخالك
هنا ترمي صباح الخير قبل لا تروح وأدعيلك
وهنا تضوي مساء الخير في عيني من هلالك
انا من الليل يقطفني شعوري لك واغنيلك
أنا من الصبح يليلني الحزن من لون موالك
حرام الليل ماهو ليل اذا ماكنت في ليلك
وحرام الصبح ماهو صبح اذا ما كنت بظلالك
تروح وقلت احط روحي على كفي واناديلك
نزعت العمر من شفت الغلا بالروح نادالك
بربك قول وش سوى الفراق بوجه منديلك
تسيل الوان طيفي فيه الا من البكا سالك
حبيبي لايبكيك الفراق ولا يهد حيلك
أخاف الدمع من عينك يجفف صورتي فبالك
تعال احتاج اسولفلك عن الايام وأشكيلك
وافض غيم الحزن وانثر حنين الشوق بأقبالك
تعال وحط في قلبي هموم الفرقا وأشيلك
لأن القلب ماهو قلب اذا في نبضه ماشالك
وقف دمعي من عيوني ابي من عينك ابكيلك
أخاف ابكي على طيفك وأبعثر صورة وصالك
قصيدة الجراح
عسى ما ازعلتك البارح وزودت الجراح جراح
عسى مامرت الدمعه على اهدابك من اسبابي؟
جرحتك من كثر شوقي وخليت الكلام رماح
ولا ادري شلون ياعمري طعنتك حيل بعتابي
بدون شعور صدقني ترى كثر الغلا ذباح
تعال وشوف بغيابك غلاك شلون سوابي
حرام تغيب من عمري وتعطيني الفراق وشاح
حرام الدمع في عيني مناديله هي أهدابي
غيابك يشغل عيون الزوايا وأمتلي أشباح
وأنا أنثر صوتك بقلب المكان وأشعل أبوابي
تلفت للأمل دام الرجا في عمري الملواح
أناديلك ولو شرهة وصولك يقطع أعصابي
أبيك الجاي من عمري أنا مابيك شي وراح
مدامك أجمل وأخر مدامك أول أحبابي
أحبك يا بعد عمر الحزن والجرح والأفراح
أحبك كثر ما نامت عيونك داخل أهدابي
قصيدة دعوة الغفران
مو معقوله تجي منك وترميني لاي انسان
يلملمني ولا يلقى بعيوني غير دمعاتي
انا ماصدق انك انت تنهيني من الوجدان
وترميني وانا اشوف القبر نادى مسافاتي
وكسرني الشتاء ياوليد وانت بداخلي دفيان
تحملت الاسى والظيم عشانك يابعد ذاتي
وصحى بي البرد واللاهوب وانت بداخلي غفيان
تحملت السنين وقلت على الله تلملم شتاتي
انا امك ياهيه امك حملتك والعذاب الوان
ولدتك والالم سكين يركز داخل لهاتي
وانا اثناء الوالده من بكى صوتك طعنت احزان
لاني شفتك بصوتك تنادي كل طموحاتي
ومهدتك فعين وعين يشرب حزنها القران
وهزيتك وكان النور يتهزهز من دعاتي
اضمك في يديني لاتجي وتقول انا بردان
تركت البرد لضلوعي رح انشد رعشة شفاتي
وزولك من ركض فيني لمست بداخلي اوطان
وتركتك تبني بمجدك على كتف انكساراتي
وتذكر يوم مدرستك صدى وكفوفنا الحرمان
وكانت رنته من فلس خنقته لك بشيلاتي
كبرت وصرت بعيوني شجاعن واشهم الفرسان
وحلفت اني على عرسك لارقص كل شيباتي
اسولف للبشر عنك اقول ولا به اي نقصان
رضع عز الشهامه شب طموحه في معاناتي
وله شان الصقر لا لا اخذ منه الصقر له شان
يجي مثل الوضوء لاطب حنينه فوق راحاتي
يقولون الولد هو خان اقول وليدي لا ماخان
وهم يدرون ماغطى منامي غير وناتي
افاااااا وشلون تتركني يكحلني عمى النسيان
وانت ادري فيوم الحشر جنه تحت خطواتي
لك الله مانطق صوتي لك الا بدعوة الغفران
ولكن خوفي من حزني ومن دعوات عبراتي
تدين اليوم ياوليدي وباكر للاسف تندان
ويرمونك مثل امك وتذكر حلم شيباتي
قصيدة ليه
هذا هو اللي تبيه
اني ارحل من حياتك
وأشعل عيوني ب ليه؟
بس خلاص
هذا هو اللي قدرته
وقدرك ربي عليه
بذمتك هذا كلام
اني ارجع من جديد
أرجع افرش
كل تعب عمري
وانام
هذا هو اللي تبيه
وهذا هو اللي قدرته
وقدرك ربي عليه
اني ارحل من حياتك
وأشعل عيوني ب ليه؟
بس خلاص
بذمتك هذا كلام
أني ارجع من جديد
أرجع افرش كل تعب عمري
وانام
زين لحظه
لاسألوني الناس وينك
وان دروا ضحكة عيونك
عن عيوني
سافرت ردت لعينك
بذمتك قول وش اقول
قول قول
قول قول
الله يخرب بيت بيتك
توني يادوبي بديت
بعت عمري وإشتريتك
خطوه خطوه وإشتريت
توني بأطراف البدايه
مدري وشلون إنتهيت
ياخي حس
والله عيب اللي تبيه
أني ارحل من حياتك
وأشعل عيوني ب ليه؟
لاجبينك شمس واحساسك مطر
لاعيونك شوق وشعورك دفا
جبت لك بيدي إبتسامات العمر
ليه تكسرها على اطراف الشفا
شوف بعثرني احتياجي بالنظر
شوف وجهي امتلى منك بأفا
ماتجي منك ولكن يابشر
ماانت اول من طعني بالجفا
أبرك ادفن كل جروحي بالسهر
ولا افكر من ورى قلبك شفا
ول ياقلبك مايجيب الا القهر
ول ياعمرك ماعرف طعم الوفا
والا أنا مثل النهر ابقى نه
من تحوسه ترجع تشوفه صفا
فيني والله احساس لامنه ظهر
يشعل ضلوعك إذا قلبك طفى
هذا هو اللي تبيه
وهذا هو اللي قدرته
وقدرك ربي عليه
بذمتك هذا كلام
أني أرجع من جديد
أرجع افرش
كل تعب عمري
وأنام
وين أروح
شلون أجيب
لقلبي المجروح
روح
هذا هو اللي تبيه
قصيدة جمرة الثلج
هذي منك؟
اقسى من طعنة عدوي..
اقسي والله حيل اقسى..
حيل تعبانه يدينك..
يقدح الخنجر واشمك..
هيل وجروح وأغاني..
عاد تدري.
شفت ظلك
ياما نبهني عليك..
كنت اكذب..
ظل وافي.
كان خارج..
من خياناتك..علي
أيه اعرفك
احضن الخنجر وأشمك
دمع وعيون واماني..
بس انا وياك والله
مو مع الطعنات ضدك
حتى شوف..
وش كثر أشره عليك
وانا مطعون بيديك
كان من اول تقول
وانا أطعن نفسي عنك
أأأأه عنك
